Estere 2:15 - Xitsonga (Bibele)

¹⁵ Loko a ri Estere, n'wana Abihayili, hahani wa Mordekayi, loyi ingi a n'wi hlayisile, a n'wi endle n'wana wa yena, siku ku fikaka nkarhi wa yena wa ku nghena eka hosi, a nga lavanga nchumu loko xi nga ri lexi ingi a xi byeriwile hi Hegayi, ndhuna ya hosi, mulanguteri wa vavasati; kutani Estere a kuma tintswalo eka hinkwavo lava n'wi vonaka.

BIBELE Mahungu Lamanene

¹⁵ Kutani nkarhi wu fika wa leswaku Estere n'wana Abihayili a nghena endlwini ya hosi. (Abihayili loyi a a ri malume wa Mordekayi, kutani Mordekayi a a wundlile Estere, a n'wi endla n'wana wa yena. Nhwana loyi a a tsakeriwa hi un'wana ni un'wana loyi a a n'wi vona.) Kuteloko nkarhi wa yena wa ku ya endlwini ya hosi wu fikile, a nga lavanga ku teka nchumu, ehandle ka leswi Hegayi mutsheniwa wa hosi ni mulanguteri wa vasati va yona a nga n'wi tsundzuxa ku ya na swona.

Estere 2:15 Referans Kwoze

Risimu ra Tinsimu 6:9

Un'we ntsena wa vona i tuva ra mina muhetiseki wanga; I n'wana la nga swakwe eka mana wa yena, I muhlawuriwa wa loyi a n'wi velekeke. Vanhwanyana loko va n'wi vona, va n'wi vula la katekeke; Makosikazi ni vavasati va vurisa sweswo, va n'wi dzunisa.

Estere 2:3

kutani ematikweni hinkwawo ya ku fuma ka yona, hosi a yi lerise tindhuna leswaku va hlengeleta vanhwana hinkwavo lavantshwa, lavo saseka, va tisiwa eXuxani, ntsindza, endlwini ya vavasati, evuhlayiselweni bya Hegayi, ndhuna ya hosi ni mulanguteri wa vavasati;

Timhaka 7:10

xi n'wi tshunxa emakhombyeni ya yena hinkwawo; xi n'wi nyika ku tsakisa ni ku tlhariha emahlweni ka Faro, hosi ya Egipta, kutani yona yi n'wi veka mufumi wa Egipta ni wa yindlu ya yona hinkwayo.

Estere 9:29

Nkosikazi Estere, n'wana wa Abihayili, ni Muyuda Mordekayi, va tsala va nyikiwile matimba hinkwawo, va tiyisa papila rolero ra vumbirhi ehenhla ka Purimi.

Risimu ra Tinsimu 8:10

Ndzi rirhangu, ni mavele ya mina ma fana ni makhokholo, Hikwalaho emahlweni ka yena ndzi fana ni loyi a kumeke ku rhula.

Estere 2:14

A nghena kona nimadyambu; nimixo a tlhelela endlwini ya vumbirhi ya vavasati, evulangutelweni bya Xaaxigazi, ndhuna ya hosi, mulanguteri wa vasati va hosi; a a nga tlheri a nghena eka hosi, loko ku nga ri loko a naveriwa hi hosi, a vuya a vitiwa hi vito ra yena.

Estere 2:16

Estere a yisiwa sweswo eka hosi Ahasuwerusi, endlwini ya yena ya vuhosi, en'hwetini ya vukhume, yi nga n'hweti ya Tebete, elembeni ra vuntlhanu na mambirhi ra ku fuma ka yena.

Estere 8:1

Hi siku rolero, hosi Ahasuwerusi a nyika nkosikazi Estere yindlu ya Hamani, muxanisi wa Vayuda; Mordekayi yena, a ta emahlweni ka hosi, hikuva Estere a a n'wi byerile lexi a nga xona eka yena.

Swivuriso 15:33

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.