Estere 2:14 - Xitsonga (Bibele)

¹⁴ A nghena kona nimadyambu; nimixo a tlhelela endlwini ya vumbirhi ya vavasati, evulangutelweni bya Xaaxigazi, ndhuna ya hosi, mulanguteri wa vasati va hosi; a a nga tlheri a nghena eka hosi, loko ku nga ri loko a naveriwa hi hosi, a vuya a vitiwa hi vito ra yena.

BIBELE Mahungu Lamanene

¹⁴ Wanhwana a a nghena endlwini ya hosi nimadyambu, nimixo a huma, a ya nghena enhangeni ya vumbirhi leyi a yi ri emavokweni ya Xaaxigazi, mutsheniwa wa hosi ni mulanguteri wa vasati lavatsongo va yona. Wanhwana loyi a a nga ha tlheleli endlwini ya hosi, ehandle ka loko hosi yi lo n'wi tsakela, yi tlhela yi n'wi vitana hi vito.

Estere 2:14 Referans Kwoze

Estere 4:11

“Malandza hinkwawo ya hosi ni vanhu va matiko ya hosi, va tiva leswaku munhu, kumbe wanuna, kumbe wansati, loko a nghena eka hosi erivaleni ra le xikarhi a nga vitaniwanga, nawu wu kona lowu nga hundzukiki lowu lerisaka leswaku a dlayiwa loko ku nga ri loko hosi yi nga n'wi yimisela nhonga ya yona ya vuhosi, ya nsuku, leswaku a hanya; kasi mina a ndzi si vitaniwa leswaku ndzi nghena eka hosi hi masiku ya makume manharhu.”

Esaya 45:4

Hikwalaho ka rirhandzu ra mina eka Yakobo ni ka Israele, muhlawuriwa wa mina, ndzi ku vitanile hi vito ra wena, ndzi vulavurile na wena hi tintswalo loko u nga si ndzi tiva.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Duteronoma 21:14

Kungakuloko u nga ha n'wi rhandzi, u ta n'wi tshika a tifambela, kambe u nga n'wi xavisi hi mali, u nga n'wi endli khumbi, hikuva u n'wi endle nsati wa wena.

Genesa 34:19

Kutani lowa jaha a nga hlwelanga ku endlisa sweswo, hikuva a a tsakela swinene n'wana wa Yakobo; kambe yena a a ri wanuna lonkulu endlwini hinkwayo ya tata wa yena.

Estere 2:13

wanhwana yeloyi a nghena eka hosi; hinkwaswo leswi ingi a swi lava, a nyikiwa swona leswaku a huma na swona endlwini ya vavasati a ya endlwini ya hosi.

Estere 2:15

Loko a ri Estere, n'wana Abihayili, hahani wa Mordekayi, loyi ingi a n'wi hlayisile, a n'wi endle n'wana wa yena, siku ku fikaka nkarhi wa yena wa ku nghena eka hosi, a nga lavanga nchumu loko xi nga ri lexi ingi a xi byeriwile hi Hegayi, ndhuna ya hosi, mulanguteri wa vavasati; kutani Estere a kuma tintswalo eka hinkwavo lava n'wi vonaka.