Estere 2:12 - Xitsonga (Bibele)

¹² Kuteloko ku fike nkarhi wa vanhwana hinkwavo wa ku nghena ha un'we un'we eka hosi Ahasuwerusi, va ri karhi va tilunghisile hi ku lerisa loku lerisiwaka vavasati hi tin'hweti ta khume na timbirhi, hikuva masiku ya ku tilunghisa ka vona a ma tshamisise sweswo: hi tin'hweti ta ntlhanu na yin'we, a va tola mafurha ya mirha, hi tin'hweti tin'wana ta ntlhanu na yin'we va tola maakha lama nun'hwelaka ni swin'wana;

BIBELE Mahungu Lamanene

¹² Hi ku hlayisa milawu leyi a yi vekeriwa vavasati, vanhwana a va heta tin'hweti ta 12 va ri karhi va tisasekisa; eka tin'hweti ta 6, a va tola mafurha ya mirha; eka letin'wana ta 6, a va tola mafurha lama nun'hwelaka ni switola-tolani swin'wana swa vavasati. Loko ku fika nkarhi lowu vanhwana va fanelaka ku nghena ha un'we un'we endlwini ya hosi,

Estere 2:12 Referans Kwoze

Esaya 57:9

U yile ehosini ni mafurha, u andzisile mirhi ya wena ya risuna, u rhumile ekule tintsumi ta wena, u tinyamisile ku yisa exivandleni xa vafi.

Swivuriso 7:17

Ndzi nun'hwerisile masangu hi murhi wa mirha, Ni mhangana ni sinamoni.

Risimu ra Tinsimu 3:6

I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Estere 2:3

kutani ematikweni hinkwawo ya ku fuma ka yona, hosi a yi lerise tindhuna leswaku va hlengeleta vanhwana hinkwavo lavantshwa, lavo saseka, va tisiwa eXuxani, ntsindza, endlwini ya vavasati, evuhlayiselweni bya Hegayi, ndhuna ya hosi ni mulanguteri wa vavasati;

Estere 2:9

Wanhwana a n'wi tsakisa, kutani a kuma tintswalo eka yena; a hatlisa a n'wi nyika maakha ya yena ni swakudya swa yena, a n'wi nyika ni vanhwanyana va ntlhanu na vambirhi lava hlawuriweke endlwini ya hosi, kutani yena a n'wi yisa ni vanhwana va yena ekamareni leyo saseka ku tlurisa endlwini ya vavasati.

Estere 2:11

Hi siku rin'wana ni rin'wana, Mordekayi a a tifambela emahlweni ka rivala ra yindlu ya vavasati, ku tiva hilaha Estere a tshameke hakona, ni leswi nga ta n'wi humelela.

Estere 2:13

wanhwana yeloyi a nghena eka hosi; hinkwaswo leswi ingi a swi lava, a nyikiwa swona leswaku a huma na swona endlwini ya vavasati a ya endlwini ya hosi.

Esaya 3:24

Ematshan'weni ya leswo nun'hwela, ku ta va ku bola; ni le matshan'weni ya deveci, ku ta va pindza; ematshan'weni ya misisi leyi horhiweke, ku ta va mimpandhla; ematshan'weni ya tinguvu leto kokakoka, ku ta va saka lero khwaxa; ematshan'weni ya vumbhurhi, ku ta va xisandzu lexi funghiweke hi ndzilo.