Estere 2:10 - Xitsonga (Bibele)

¹⁰ Kambe Estere a nga n'wi tivisanga xivongo xa rikwavo; ni loko ku ri ku tswariwa ka yena, hikuva Mordekayi a a n'wi lerisile leswaku a nga tshuki a titivisa.

BIBELE Mahungu Lamanene

¹⁰ Estere a nga byelanga munhu leswaku a a ri wa rixaka rihi ni leswaku a a tswariwile kwihi, hikuva Mordekayi a a n'wi lerisile leswaku a nga tshuki a titivisa.

Estere 2:10 Referans Kwoze

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Estere 2:20

Tanihi loko Estere a lerisiwile hi Mordekayi, a nga tivisangi ku tswariwa ka yena ni loko ri ri rixaka ra rikwavo hikuva Estere a endle leswi a swi byeriweke hi Mordekayi, kukotisa siku lero loko a ri karhi a kurisiwa hi yena.

Vaefesa 6:1

Vana, yingisani vatswari va n'wina eHosini, hikuva swi lulamile sweswo.

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Estere 7:4

hikuva hi xavisiwile, mina ni varikwerhu, leswaku hi herisiwa hi dlawa, hi lovisiwa. Kambe; loko hi xavisiwile leswaku hi ta endliwa makhumbi ya vavanuna ni ya vavasati, ingi ndzi miyerile ndzi ku ntsee; kambe muxanisi a nga hluleka ku riha leswi hosi yi nga ta onhakelwa hi swona.”

Estere 2:7

A a ri karhi a wundla Hadasa, la nga Estere, n'wana hahani wa yena, a nga ri na tata wa yena ni mana wa yena; nhwanyana yeloyi a a sasekile, a languteka; siku ku faka tata wa yena ni mana wa yena, Mordekayi u n'wi hlayisile, a n'wi endla n'wana wa yena.

Estere 2:11

Hi siku rin'wana ni rin'wana, Mordekayi a a tifambela emahlweni ka rivala ra yindlu ya vavasati, ku tiva hilaha Estere a tshameke hakona, ni leswi nga ta n'wi humelela.

Rhuti 3:6

Kutani a ngirimela exivuyeni, a endla hinkwaswo leswi n'wingi wa yena a n'wi leriseke swona.