Estere 10:3 - Xitsonga (Bibele)

³ Hikuva Muyuda Mordekayi a a ri wa vumbirhi, la tlhandlamaka hosi Ahasuwerusi; a va nkulukumba exikarhi ka Vayuda, ni la tsakisaka eka vunyingi bya varikwavo; a a lavela vanhu va rikwavo tintswalo, a kanelela hinkwavo va rixaka ra yena ku rhula.

BIBELE Mahungu Lamanene

³ Mordekayi loyi wa Muyuda a a landza hosi Ahasuwerusi hi xiyimo; a a tiviwa swinene exikarhi ka Vayuda, nakona a a rhandziwa hi varikwavo, hikuva a a tikarhatela varikwavo leswaku va hlayiseka, naswona a a tirha na vona hi ku rhula.

Estere 10:3 Referans Kwoze

Nehemiya 2:10

Sanibalati, Muhoroni, na Tobiya, nandza wa Muamoni, va va ni gome hi ku tlurisa, loko va twa leswaku ku fikile wanuna la nga ta endla vana va Israele vunene.

Varhoma 14:18

Hikuva la tirhelaka Kriste eswilweni sweswo, u tsakisa Xikwembu, kambe u yimeriwa hi vanhu.

Varhoma 10:1

Vamakwerhu, ku navela ka mbilu ya mina ni mikhongelo leyi ndzi yi endlelaka Vaisraele eka Xikwembu, hileswaku va ponisiwa.

Daniele 5:29

Kutani hi ku lerisa ka Belxatsara Daniele a ambexiwa hi xivunguvungu, a veheriwa ritlama ra nsuku enhan'wini, kutani ku twarisiwa emahlweni ka yena leswaku u ta tshama exitshan'weni xa vunharhu xa ku fuma.

2 TIKRONIKA 28:7

Kavaloko Zikri, wanuna wa matimba wa Efrayimi, a dlaya Maaseya, n'wana hosi, na Azirikama, ndhuna ya yindlu ya hosi, na Elikana, la landzeke hosi hi vukulukumba.

Genesa 41:40

Hi wena la nga ta va hosi ya yindlu ya mina, kutani tiko ra mina hinkwaro ri ta fumiwa hi nomu wa wena; ntsena ndzi ta va nkulukumba eka wena, hi xiluvelo xa mina.”

Daniele 5:16

Kambe ndzi twile leswaku wena wa swi tiva ku nyika munhu nhlamuselo, ni ku hlamusela swivutiso leswo nonon'hwa. Loko kunene u nga hlaya leswi tsariweke ni ku ndzi tivisa timhaka ta swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini ya wena, kutani u ta vekiwa exitshan'weni xa vunharhu eku fumeni ka mina.”

Estere 3:2

Malandza hinkwawo ya hosi lawa ingi ma yima emahlweni ka nyangwa ya hosi, a ma korhama, ma khinsama emahlweni ka Hamani; hikuva hosi a yi lerise sweswo enkarhini wa yena. Kambe Mordekayi a nga korhami, a nga khinsami.

1 SAMIELE 23:17

A ku eka yena: “U nga chavi, hikuva voko ra tatana Sawulo ri nga ka ri nga ku kumi; u ta fuma Israele, na mina ndzi ta va ndhuna ya wena; tatana Sawulo wa swi tiva na yena.”

Daniele 6:3

Loko a ri Daniele, a hundza tindhuna ni masatrapi hikuva a a ri ni moya lowu hlamarisaka kambe hosi yi anakanya ku n'wi veka ehenhla ka ku fuma hinkwako.

Genesa 45:10

U ta aka etikweni ra Goxeni, u va ekusuhi na mina, wena ni vana va wena, ni vana va vana va wena, ni swifuwana swa wena, ni swifuwo swa wena, ni hinkwaswo leswi nga swa wena.

Genesa 45:11

Ndzi ta ku wundla kona (hikuva malembe ya ntlhanu ya ndlala ma ha ta), hileswaku u nga ti tshuka u hungutiwa wena, ni yindlu ya wena, ni lava u nga na vona hinkwavo.’

1 SAMIELE 18:16

Kambe Vaisraele hinkwavo ni va Yuda hinkwavo a va rhandza Davhida hikuva a a tshama a nghena ni ku huma emahlweni ka vona.

Estere 2:5

A ku ri ni wanuna wa Muyuda eXuxani ntsindza, la vuriwaka Mordekayi, n'wana Yayiro, n'wana Ximeyi, n'wana Kixi, Mubenjamini.