Estere 1:22 - Xitsonga (Bibele)

²² A rhumela matsalwa ematikweni hinkwawo ya hosi, etikweni rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona, va ku, wanuna un'wana ni un'wana a a ve hosi endlwini ya yena, kutani a vulavula hi ririmi ra varikwavo.

BIBELE Mahungu Lamanene

²² Yi rhumela mapapila eka swifundzha hinkwaswo swa tiko, xin'wana ni xin'wana xi kuma nawu lowu wu tsariwile hi ririmi ra vanhu va kona ni matsalele ya vona. Nawu lowu a wu vula leswaku wanuna un'wana ni un'wana ú fanela ku va nhloko ya muti wa yena, naswona a landza mikhuva ya vanhu va ka vona.

Estere 1:22 Referans Kwoze

Estere 8:9

Kwalaho vatsari va hosi va vitaniwa hi nkarhi wolowo, ri nga siku ra makume mambirhi na manharhu ra n'hweti ya vunharhu, yi nga n'hweti ya Sivani; ku tsariwa hinkwako hilaha Mordekayi a lerisaka hakona; ku tsaleriwa Vayuda ni tindhuna ta tihosi, ni vafumi, ni tihosana ta matiko, ku suka eIndiya ku fika eEtiyopiya, ma nga matiko ya 127, ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona, ni Vayuda hi matsalele ni ku vulavula ka vona.

Estere 3:12

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

1 Timotiya 2:12

hikuva a ndzi pfumeleri wansati ku dyondzisa, hambi ku ri ku lerisa nuna, kambe u fanele ku tshama a miyerile.

Luka 16:8

Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Daniele 4:1

Mina, hosi Nebukadnetsara, ndzi tsalela vanhu hinkwavo, ni matiko, ni va tindzimi hinkwato, lava akeke ematikweni hinkwawo, ndzi ri: Ku tsaka a ku mi talele!

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Estere 1:21

Marito walawo ma tsakisa hosi ni tihosana, kutani hosi yi endla hi marito ya Memukana.