Esaya 9:3 - Xitsonga (Bibele)

³ U andzisile tiko, u kurisile ku tsaka ka rona! Ri tsakile emahlweni ka wena kukota lava tshovelaka, tanihi lava avanelaka xuma lexi phangiweke.

BIBELE Mahungu Lamanene

³ We HOSI, u andzisile ntsako wa vona, u wu kurisa, va tsaka emahlweni ka wena va ba minkulungwana, wonge va le ku tshoveleni, kumbe eku avelaneni ka leswi va swi phangheke;

Esaya 9:3 Referans Kwoze

Pisalema 119:162

Ndzi titsakisa hi rito ra wena, Tanihi munhu la tsakelaka ku phanga lokukulu.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

Esaya 26:15

Oho Yehovha! U kurisile tiko; u ri andzisile; u tidzunisile, u tshinetile ekule mindzilekana hinkwayo ya tiko.

Esaya 66:10

“Titsakeleni hikwalaho ka Yerusalema, mi va mi tsakisisa hikwalaho ka yena, n'wina hinkwenu lava n'wi rhandzaka! Mi tshukatshuka hi ku tsaka swin'we na yena, n'wina hinkwenu lava rilaka nkosi, ehenhla ka yena;

Esaya 65:18

Kambe hikwalaho ka leswi ndzi nga ta swi vumba, tsakani, mi tsakisisa hi masiku, hikuva Yerusalema, ndzi n'wi tumbuluxela ku tsaka, ni tiko ra yena ku tsakisisa.

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

1 SAMIELE 30:16

Kavaloko a n'wi yisa kona. Kutani maswivo, a va hangalakile ematlhelweni hinkwawo ya tiko, va ri karhi va dya, va nwa va titsakela hi xuma hinkwaxo lexikulu lexi va xi phangeke etikweni ra Vafilista, ni le tikweni ra Yuda.

Luka 11:22

kambe loko ku ta un'wana, la xi tlulaka hi matimba, wa xi hlula, a xi tekela matlhari ya xona hinkwawo lawa xi ma tshembeke, a phanga ni swilo swa xona.

Pisalema 4:7

U tsakisile mbilu yanga ku tlurisa ku tsaka ka vona Loko va andzeriwa hi mavele ni vhinyo.

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Zakariya 10:8

Ndzi ta va bela noti, ndzi va hlengeleta; hikuva ndzi va kutsurile va ta andza ku kota leswi ngi va andzile eku sunguleni.

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Hosiya 4:7

Loko va ri karhi va andza, hilaha va ndzi dyohelaka hi ku tlurisa; ku twala ka vona ndzi ta ku hundzula tingana.

Yeremiya 31:7

Hikuva Yehovha u vula a ku: “Huwelelani hi ku tsaka eka Yakobo, mi dzunisa loyi a nga lowo rhanga exikarhi ka matiko; twarisani tinsimu, mi ku: ‘Oho Yehovha, ponisa tiko ra wena, e masalela ya Israele?’

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 61:7

Ematshan'weni ya tingana ta n'wina mi ta nyikiwa swipandzwa swimbirhi; ematshan'weni ya ku hlunama, va ta tsakela ku averiwa ka vona; hi mukhuva wolowo, va ta averiwa kambirhi etikweni, va ta tsaka hi ku tsaka loku nga heriki.

Esaya 55:12

“Kunene mi ta huma hi ku tsaka mi ta fambisiwa hi ku rhula, tintshava ni switsunga swi ta tsaka ngopfu emahlweni ka n'wina, kutani mirhi hinkwayo ya nhova yi ta phokotela.

Esaya 54:1

“Huwelela hi ku tsaka, wena mhika la nga velekangiki. Tsaka, u tsaka ngopfu, wena la nga siki lumiwaka eku velekeni! Hikuva vana va la tshikiweke va tele ku tlula vana va la tekiweke,” ku vula Yehovha.

Esaya 35:2

Ma ta rhumbuka hi ku tlurisa, ma tsakisisa, ma tsaka kunene, ma yimbelela tinsimu to tsaka, ma ta nyikiwa ku vonakala ka Lebanoni, ni ku nona ka Karmele ni ka Xaroni; kutani va ta vona ku kwetsima ka Yehovha, ni vukulu bya Xikwembu xa hina.

Esaya 25:9

Hi siku lero va ta ku: “Vonani, hi xona Xikwembu xa hina; hi tshembile xona, kutani xi hi ponisile! Hi yena Yehovha loyi hi n'wi tshembeke; a hi tsakisiseni hi tsakela ku ponisa ka yena!”

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Pisalema 107:38

A va katekisa, kutani va andza ngopfu; A nga hungutanga ntsengo wa swifuwo swa vona.

Nehemiya 9:23

U andzisile vana va vona va fana ni tinyeleti ta le tilweni, u va nghenisa etikweni leri u nga byela vatata wa vona leswaku va ta nghena eka rona, va ri fuma.

Vaavanyisi 5:3

Yingisani, n'wina tihosi, mi rhiya tindleve, n'wina tihosana! Hi mina, hi mina, ndzi ta yimbelela Yehovha, Ndzi ta yimbelela Yehovha, Xikwembu xa Israele!

Timhaka 8:8

Kutani ku tsaka lokukulu ku va kona emutini wolowo.

Ntirho 12:23

Xi andzisa matiko, kutani xi ma lovisa; Xi navisa matiko, xi tlhela xi ma vuyisela emindzilekaneni ya wona.

Esaya 65:14

maswivo, malandza ya mina ma ta yimbelela hi ku tsaka ka timbilu ta wona, kambe n'wina mi ta kolola eku vavisekeni ka timbilu ta n'wina, mi ta huwelela hi ku hela ka timbilu.

Levhitika 26:13

Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.

Vaavanyisi 7:22

Kambe va madzana manharhu va karhi va yimba tinanga; Yehovha a endla leswaku un'wana ni un'wana wa Vamidiyani a tlhava warikwavo hi tlhari ra yena emixaxeni hinkwayo, hinkwavo lava ngi va ri emixaxeni va baleka ku ya fika eBeta-Xita, tlhelo ra Serera, ku ya fika endzilakaneni wa Avele-Mehola, tlhelo ra Tabata.

Vaavanyisi 8:12

Kutani Zeba na Salmuna va baleka, kambe Gidiyoni a va hlongorisa, a khoma tihosi teto timbirhi ta Midiyani, Zeba na Salmuna, kutani a hangalasa mavandla hinkwawo.

Esaya 10:26

Yehovha wa tinyimpi u ta tlakusa nkharisa ehenhla ka Asiriya, tanihi leswi a nga endla Midiyani, eribyeni ra Orebe; u ta tlakusa nhonga ehenhla ka lwandle tanihi leswi a swi endleke eEgipta khale!

Esaya 14:5

“Muxanisi u herile hi ku yini? Vuhenyi ku hava!