Esaya 9:12 - Xitsonga (Bibele)

¹² va ri Vasiriya, tlhelo ra le vuxeni, ni Vafilista tlhelo ra vupeladyambu; va ta holongela Israele hi nomu lowu ahlameke. Hambiswiritano, vukari bya yena a byi si tlhela, ni voko ra yena ra ha tshambulutiwile.

BIBELE Mahungu Lamanene

¹² Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Esaya 9:12 Referans Kwoze

Esaya 5:25

Hikwalaho vukari bya Yehovha byi pfurhele tiko ra yena, kutani u tshambulutile voko ra yena, a ri ba; tintshava ti tsekatseka, mitsumbu ya vona yi tata mitsendzele tanihi vulongo. Hambiswiritano, a nga tlhelanga evukarini bya yena, ni voko ra yena ra ha tshama ri tshambulutiwile.

2 TIKRONIKA 28:18

Kambe Vafilista va nghena emitini ya le nkoveni ni le dzongeni ra tiko ra Yuda, va teka Beta-Xemexe na Ayaloni, na Gederoti, na Soko, ni miti ya kona, na Timina, ni miti ya kona, na Gimizo, ni miti ya kona, va aka kona.

Pisalema 79:7

Hikuva va dyile Yakobo, Va onhile vuako bya yena.

2 TIHOSI 16:6

Enkarhini wolowo, Resini, hosi ya Siriya, a tlherisela Elata evuhosini bya Siriya; a hlongola va Yuda, a va humesa eElata; kutani Vasiriya va nghena eElata; va tshamile kona ku fika namuntlha.

Yeremiya 10:25

Wa nga halata ku kariha ka wena ematilweni lama nga ku tiviki, ni le tinxakeni leti nga khongeriki vito ra wena; hikuva va dyile Yakobo, va n'wi dyile va va va n'wi heta, kambe va hetile vuako bya yena.

Esaya 10:4

A ku salanga nchumu loko ku nga ri ku tsongahatiwa exikarhi ka lava bohiweke, kumbe ku wa exikarhi ka lava dlayiweke. Hambiswiritano, vukari bya yena a byi tlhelanga, ni voko ra yena ra ha tshambulutiwile.

Esaya 9:21

Manase a dya Efrayimi na Efrayimi a dya Manase; havambirhi va wela Yuda. Hambiswiritano, vukari bya yena a byi tlhelanga, ni voko ra yena ra ha tshambulutiwile!

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Yeremiya 35:11

Kambe, kuteloko Nebukadnetsara, hosi ya Babilona a hlasela tiko leri, hi ku: ‘Tanani, hi nghena eYerusalema, hi suka emahlweni ka mavandla ya Vakalediya, ni le mahlweni ka mavandla ya Vasiriya,’ hikwalaho hi akeke eYerusalema.”

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Esaya 11:14

Va ta hahela ekhatleni ra Vafilista evupeladyambu, va ta hlasela kun'we vana va le vuxeni; va ta khoma Edomu na Mowabu, ni vana va Amoni, va ta va luva.

Ezekiele 6:14

Ndzi ta va tshambulutela voko ra mina, ndzi onha tiko ra vona, ri ta tlula mananga ya Ribila hi ku biha ka rona, hinkwako laha va tshamaka kona; kutani va ta tiva leswaku hi mina Yehovha.”

Ezekiele 16:27

Vona, ndzi tshambulutile voko ra mina ehenhla ka wena, ndzi hungutile ndzhaka ya wena, ndzi ku nyiketile valala va wena, va ri vanhwana va Vafilista lava nga ni tingana hikwalaho ka mitirho ya wena leyo biha.

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Yeremiya 15:7

Ndzi ta va hlunguhla hi xihlungulo etinyangweni ta misava; ndzi dlaya lavantshwa va tiko ra mina, na rona ndza ri lovisa, hikuva a va tisori emikhuveni ya vona.

Hosiya 7:10

Ku tikukumuxa ka Israele i vumbhoni bya xidyoho xa yena emahlweni ka yena kambe, hambiswiritano, a va tlhelelanga eka Yehovha, Xikwembu xa vona; ni ku n'wi lava, a va n'wi lavanga.

Amosi 4:6

“Kasi a ndzi mi rhumerile ndlala emitini ya n'wina hinkwayo, ni ku pfumaleka ka vuswa ematlhelweni hinkwawo; hambiloko swi ri tano, a mi tlhelelanga eka mina,” ku vula Yehovha.

Amosi 4:8

va miti mimbirhi, kumbe minharhu va ya emutini wun'wana ku ya nwa mati kambe va nga kolwi; kambe, ni loko swi ri tano, a mi tlhelelanga eka mina,” ku vula Yehovha.

Amosi 4:9

“Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Amosi 4:11

“Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.

Sofoniya 1:6

ni lava tlheleke ndzhaku ka Yehovha, ni lava nga lavangiki Yehovha, va nga n'wi vutisisangiki.”

Sofoniya 3:2

A wu yingiselanga rito, a wu amukeli ku tshinyiwa, a wu tshembanga Yehovha; a wu tshinelanga eka Xikwembu xa wona.