Esaya 8:9 - Xitsonga (Bibele)

⁹ Hlengeletanani, n'wina matiko, mi va mi herisiwa! Rhiyani tindleve, n'wina hinkwenu lava akeke ematikweni lama nga ekule! Tilunghiseleni ku lwa, mi ta herisiwa!

BIBELE Mahungu Lamanene

⁹ Rhurhumelani n'wina vamatiko mi hela ntamu, rhiyani ndleve n'wina hinkwenu vaaki va matiko ya le kule. Hlomani matlhari, kambe mi ta hela ntamu, ina, ntamu wa n'wina wu ta hela mi hlomile matlhari.

Esaya 8:9 Referans Kwoze

Swivuriso 11:21

Kunene lowo biha a nga ka a nga tshikiwi ku biwa; Kambe ndyangu wa munhu wo lulama wu ta lamuleriwa.

1 TIHOSI 20:11

Hosi ya Israele yi hlamula yi ku: “Fambani, mi ku eka yena: ‘La tibohaka hi vamba a nga tshuki a tidzunisa kukotisa loyi a ri tshunxaka.’ ”

Esaya 54:15

Hambi va ta ku etlelela, swi nga ka swi nga humi ka mina, la ku tumbelelaka u ta wa emahlweni ka wena.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Esaya 28:13

Hikwalaho rito ra Yehovha ri ta va eka vona nawu ehenhla ka nawu, ni nawu ehenhla ka nawu, ku lerisa ehenhla ka ku lerisa, ni ku lerisa ehenhla ka ku lerisa, mhaka yin'wana sweswi ni mhaka yin'wanyana endzhaku leswaku loko va famba, va wa hi le ndzhaku va tshoveka, va phasiwa, va khomiwa!

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Yeremiya 51:20

“A wu ri nyundzu ya mina ni matlhari ya nyimpi; ndzi tshama ndzi faya matiko ha wena, ndzi lovisa ku fuma ha wena.

Ezekiele 38:7

“Tilunghise! U lunghisa hinkwaswo, wena, ni ntshungu wa wena hinkwawo lowu hlengeletanaka ekusuhi na wena. U va mufambisi wa vona.

Yoxuwa 11:5

Tihosi hinkwato leti ti hlengeletana endhawini leyi hlawuriweke, kutani ti ya gova swin'we ekusuhi ni mati ya Meromi, ku ya lwa na Israele.

Yeremiya 46:3

“Lunghisani switlhangu ni switlhangunyana mi tshinelela eku lweni!

Yeremiya 46:4

Bohani tihanci, mi khandziyisa vakhandziyi; yimani hi mixanxa vangamisani matlhari, ambalani swisirhelo swa swifuva.

Ezekiele 38:8

Loko ku herile masiku yo tala, hilaha u nga ta lerisiwa; emikarhini ya le mahlweni, u ta ta lwa ni tiko leri poneke eka fumu, leri nga hlengeletiwa ematikweni yo tala, etintshaveni ta Israele leti ingi ti sele hi nkarhi wo leha ti nga ri na vanhu, va humile exikarhi ka matiko, va tshama hinkwavo hi ku rhula.