Esaya 8:7 - Xitsonga (Bibele)

⁷ hikwalaho Hosi yi ta tisa ehenhla ka rona mati lamakulu, ya matimba ya nambu, yi nga hosi ya Asiriya, ni matimba hinkwawo ya yona; u ta tlula hinkwako timbuwu ta wona, u ta khulukela ehenhla ka tingingiri hinkwato ta yona,

BIBELE Mahungu Lamanene

⁷ mina N'wini wa hinkwaswo ndzi ta va vitanela hosi ya Asiriya ni mavuthu hinkwawo lawa a tidzunisaka ha wona. Swi ta fana ni loko nambu wa Yufrata wu ta hi matimba lamakulu, wu khapa matlhelo hinkwawo, wu tlula ribuwu ra wona,

Esaya 8:7 Referans Kwoze

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Amosi 8:8

Xana misava yi nga ka yi nga tsekatseki hikwalaho ka sweswo-ke? Lava akeke eka rona hinkwavo va ta va ni tingana? Misava yi ta tlakuka hinkwayo ku fana ni nambu; yi ta tlakuka, yi tlhela yi phya kukota nambu wa Egipta.”

Esaya 7:20

Hi siku rero, Hosi yi ta byewula hi rikari leri a ri lombeke endzhandzheni wa nambu hi leswaku hosi ya Asiriya, yi ta byewula nhloko ni mavoya ya milenge, a susa ni malebvu.

Esaya 7:17

“Yehovha u ta tisa ehenhla ka wena ni le henhla ka tiko ra wena, ni le henhla ka yindlu ya tata wa wena, masiku lama nga siki humelelaka mpfhuka Efrayimi a avaneke na Yuda, i hosi ya Asiriya.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Nhlavutelo 17:15

Kutani a ku eka mina: “Mati lawa u ma voneke, lawa muoswi a tshamiseke eka wona, i swivongo, ni vunyingi, ni matiko, ni tindzimi.

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Daniele 11:22

Mavandla lama taka, ma ta kukuretiwa hi yena, ma hluriwa, swin'we ni hosi yin'wana leyi endleke xinakulobye na yena.

Daniele 11:10

“Kambe vana va yena va ta sungula ku lwa, va hlengeleta mavandla layo tala ngopfu; un'wana wa vona u ta fika a tata hinkwako, a tlhela a vuya, a tiyisa ku sivetela khokholo.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Esaya 59:19

Va ta chava vito ra Yehovha ku suka evupeladyambu, ni ku twala ka yena ku suka le vuxeni; loko nala a ta ta kukotisa nambu, moya wa Yehovha wu ta n'wi tsutsumisa.

Esaya 28:17

“Ndzi ta teka mfanelo ndzi yi endla xipimo, ni ku lulama ndzi ku endla xiringaniso, kutani xihangu xi ta kukula xichavelo xa vunwa, ni mati ma ta kukuleta xisirhelo xa n'wina.

Pisalema 72:8

Yi ta fuma ku sukela elwandle rin'wana ku ya fika eka rin'wana, Ni ku sukela enambyeni, ku ya fika emakun'wini ya misava.

Luka 6:48

U fana ni munhu la akaka yindlu; yindlu leyi, ku nga te loko a ake masungulo, a cele khele, a yi sungula etambeni; kutani, kakuloko xihuhuri xi ta, ni loko boboma ri ba yindlu leyi, a yi tsekatsekanga, hikuva yi akiwile swinene.

Ezra 4:10

ni va matiko man'wana lava luveleke, lava vekiweke hi Asinapara lonkulu, la twaleke emutini wa Samariya, ni le tikweni leri nge hase ka nambu.”

2 TIHOSI 19:32

“Hikwalaho Yehovha a vurisa sweswo ehenhla ka hosi ya Asiriya a ku: ‘A nga ka a nga ngheni emutini lowu; a nga ka a nga copi miseve kona; a nga ka a nga humeleli ka wona hi xitlhangu; a nga ka a nga wu celeli marindzi.

Esaya 10:5

Khombo eka Asiriya, nkhavi wa vukari bya mina! Nkhavi lowu ndzi wu vekaka evokweni ra yena, wu ta ndzi rihisela.

Esaya 10:16

Hikwalaho Hosi ya tinyimpi yi ta ondzisa swihontlovila swa Asiriya, kutani ehansi ka ku vangama ka yena ku ta pfukeka ku pfurha kukotisa ku pfurha ka ndzilo.

Esaya 11:15

Yehovha u ta omisa rhavi ra lwandle ra Egipta, u ta tlakusa voko ra yena ehenhla ka nambu wa Yufrata, a huhuta hi matimba ya moya wa yena, a wu tsemakanyisa, a wu endla milambu ya ntlhanu na mimbirhi, va pela va ri ni tintanghu.

Esaya 28:2

Vonani, Hosi yi rhuma nala wa matimba la nga hluriwiki ha nchumu, la fanaka ni bubutsa ra xihangu, tanihi ndhambi ya mati lamakulu lama fafamelaka hinkwako, u ta xi cukumeta ehansi hi voko ra yena.

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Yeremiya 47:2

Ku vula Yehovha: “Vona, mati ma karhi ma tlhandluka ma huma etlhelo ra n'walungu; i boboma leri tihalakelaka, ri funengeta misava, ni lava yi teleke vona, ni miti ni lava akeke eka yona.

Yeremiya 51:42

Lwandle ri tele Babilona, u funengetiwile hi ku pfuma ka magandlati ya rona.

Ezekiele 26:19

“Hikuva Hosi Yehovha u ri: Siku ndzi ku endlaka rhumbi leri fanaka ni miti leyi nga riki na vaaki, siku ndzi ku humeselaka xidziva, kutani mati lamakulu ma ta ku funengeta,

Mikiya 1:9

Hikuva timbanga ta Samariya ti bihile khombo ra yena ri humelele ni ka Yuda; ri fikile enyangweni ya tiko ra mina, eka Yerusalema.

Mikiya 5:5

U ta vuyisa ku rhula. Kutakuloko Muaxuru a nghena etikweni ra hina a khandziya etindlwini ta hina ta vuhosi, hi ta va ni valanguteri va 7, hambi ti ri tihosi ta vanhu ta 8 ku n'wi sivela.

Pisalema 46:4

Wu kona nambu lowu mikhovotlo ya wona yi tsakisaka muti wa Xikwembu, Vukwetsimelo bya tindlu ta La nge henhlahenhla.

Esaya 28:15

Mi ri: “Hi endlile ntwanano ni rifu, hi hlangene ni xivandla xa vafi, hambi khombo ri hundza tanihi ndhambi, a ri nga hi fikeli hikuva hi endle vunwa xichavelo xa hina, ni ku xisa xisirhelo xa hina.”

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.