Esaya 8:19 - Xitsonga (Bibele)

¹⁹ Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

BIBELE Mahungu Lamanene

¹⁹ Van'wana va ta mi kucetela ku ya eka lava nga ni swikwembu ni le ka swingomantanda leswi vulavulaka hi ku hlevetela, swi n'unun'uta kunene. Kambe xana loko Vaisraele va ri ni mhaka, a va nga fanelanga ku ya vutisa eka Xikwembu xa vona xana? Xana va nga vutisa eka lava feke etimhaka ta lava hanyaka xana?

Esaya 8:19 Referans Kwoze

1 TIKRONIKA 10:13

Sawulo a fa hikwalaho ka xidyoho lexi a dyoheleke Yehovha ha xona, hikwalaho ka rito ra Yehovha leri a nga ri hlayisangiki, na swona hikuva a vutisile lava vitanaka vafi ku byeriwa timhaka hi vona.

Levhitika 20:6

“Kungakuloko munhu a ya evangomeni ni ka lava hlahluvaka, a oswana na vona, ndzi ta languta hi vukari munhu loyi, ndzi n'wi susa etikweni ra yena.

2 TIKRONIKA 33:6

A nghenisa vana va yena va xinuna endzilweni, enkoveni wa vana va Hinomu; a tinyiketa tinhlolo, ni vuloyi, ni mhondzo; a tiyisa lava vitanaka vafi, ni vangoma; a ya emahlweni hi ku endla ku tlurisa leswo biha emahlweni ka Yehovha ku n'wi pfuka.

Pisalema 106:28

Va namarhela Baala-Peyori. Va dya tinyama ta swifuwo leswi tlhaveriweke vafi.

Levhitika 19:31

“ ‘Mi nga tshuki mi ya evangomeni ni ka lava hlahluvaka, mi nga tshuki mi va vutisisa timhaka leswaku mi nga tinyamisi ha vona: hi mina Yehovha, Xikwembu xa n'wina.

Esaya 29:4

U ta tsongahatiwa, rito ra wena ri ta huma ehansi, marito ya wena ma ta huma entshurini tanihi marito ya xindzhuti, ku vulavula ka wena ku ta huma entshurini tanihi rito ra ku n'unun'uta.

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

1 SAMIELE 28:8

Kutani Sawulo a tihundzula munhu un'wana, a ambala tinguvu tin'wana, a famba ni vanhu vambirhi. Va ya fika nivusiku eka wansati. Kutani Sawulo a ku: “Wa nga ndzi hlahluvela, hi ku vitana vafi, u ndzi vitanela loyi ndzi nga ta ku byela.”

Duteronoma 18:11

ni noyi, ni la vutisaka mimoya ni la bvumbhaka, ni la vutisaka vafi.

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

2 TIHOSI 21:6

A hisa n'wana wa yena endzilweni, a namarhela vungoma ni vuloyi, kutani a veka vangoma ni vabvumbi, a ri karhi a endla leswo biha hi ku tlurisa emahlweni ka Yehovha ku n'wi pfuka.

2 TIHOSI 1:3

Ntsumi ya Yehovha yi ku eka Eliya wa Tixibe: “Pfuka u ya hlangana ni tintsumi ta hosi ya Samariya, u ku eka tona: ‘Xana a ku na Xikwembu etikweni ra Israele, leswi mi fambaka mi ya vutisa Baala-Zebubu, xikwembu xa Ekroni?’

2 TIHOSI 23:24

Yosiya a susa ni vangoma, ni vabvumbi, ni “titerafi” ni swifaniso swa swikwembu, ni manyala hinkwawo lama voniweke etikweni ra Yuda na Yerusalema, leswaku ku endliwa hi marito ya nawu lama tsariweke ebukwini leyi Hilkiya, muprista, a yi kumeke endlwini ya Yehovha.

1 SAMIELE 28:16

Samiele a ku: “U ndzi vutisela yini leswi Yehovha a ku sukeleke a hundzuke nala wa wena?

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

1 SAMIELE 28:11

Kutani wansati a ku: “Ndzi ta ku vitanela mani-ke?” A ku: “Ndzi vitanele Samiele.”

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Timhaka 16:16

Kambe, kakuloko hi ya exikhongelweni, ku humelela nandza un'wana wa wansati loyi ngi a ri ni moya wa pitona (wa vungoma), a hlangana na hina; a a fumisa veni va yena hi ku bvumbha.

Genesa 41:24

Kutani min'oko ya timbakarhi yi kulungela min'oko leya ntlhanu na mimbirhi leyinene. Kutani ndzi byerile vangoma, kambe a ku na munhu la ndzi hlamuselaka.”

Esaya 26:14

Ti file, a ti nga ha hanyi; i mindzhuti ntsena, a ti nga ha pfuki. Hikuva u va endzerile, u va lovisile, u herisile ni ku anakanyiwa ka vona.

Esaya 30:2

Va xikela eEgipta, va nga si vutisa nomu wa mina, va tsutsumela xisirhelelo xa Faro, va tisirhelela hi ndzhuti wa Egipta!

Esaya 45:11

Ku vula sweswo Yehovha, Muhlawuriwa wa Israele ni mutumbuluxi wa yena: ‘Xana va ta ndzi vutisa leswi nga ta ta? Xana mi ta ndzi lerisa swa vana va mina ni swa ntirho wa mavoko ya mina?

Esaya 47:12

Tana sweswi u ri ni ku hlahluva ka wena, ni vungoma bya wena lebyi u byi tirheke evuntshweni bya wena, kumbexana byi ta ku pfuna, byi ku endla la chaviwaka hi vanhu!

Esaya 47:13

U tikarhatile ku ya eku hlahluveni! A va te sweswi va ku ponisa, lava pihlaka matilo, lava languta ka tinyeleti, lava bvumbhaka loko n'hweti yi tshama, lexi nga ta ku humelela!

Yeremiya 27:9

“ ‘Kutani n'wina, mi nga tshuki mi yingisa vaprofeta va n'wina, hambi va ri vabvumbi va n'wina, hambi va ri valorhi va n'wina, hambi ti ri tin'anga ta n'wina, hambi va ri vangoma va n'wina, lava mi byelaka, va ku: “Mi nga ka mi nga tirheli hosi ya Babilona.

Mikiya 5:12

Kutani ndzi ta susa ku kanganyisa evokweni ra wena, ni vangoma a va nga ha vi kona eka wena.

Duteronoma 18:10

Ku nga tshuki ku kumiwa munhu ni un'we eka wena la nghenisaka n'wana wa yena wa wandzisanyana, kumbe wa wanhwanyana endzilweni ni la hlahluvaka, ni mungoma, ni mulorhi,

1 SAMIELE 28:7

Sawulo a ku eka malandza ya yena: “Ndzi laveleni wansati la tivaka ku vitana vafi, ndzi ta ya eka yena, ndzi n'wi vutisa.” Malandza ya yena ma ku eka yena: “Emutini wa Eni-Dori, ku ni wansati la tivaka ku vitana vafi.”