Esaya 8:16 - Xitsonga (Bibele)

¹⁶ Phutsa vumbhoni byebyo; u tiyisa hi mfungho vuprofeta lebyi, eka vadyondzisiwa va mina!

BIBELE Mahungu Lamanene

¹⁶ Vumbhoni bya mina a byi bohiwe, ni switsundzuxo swi funengetiwa, swi vekiwa exikarhi ka vadyondzisiwa va mina.

Esaya 8:16 Referans Kwoze

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Vaheveru 3:5

Kambe loko a ri Muxe, u tshembekile endlwini ya yena hinkwayo kukotisa nandza, u tivisile vanhu leswi faneleke ku vuriwa;

Marka 4:34

A nga vulanga mhaka loko ku nga ri hi xifaniso; kutani loko va ri enhlambulo, a hlamusela vadyondzisiwa va yena timhaka hinkwato.

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Nhlavutelo 10:4

Kuteloko tindlati ta ntlhanu na timbirhi ti pfumisile marito ya tona, a ndzi lava ku tsala, kambe ndzi twa rito leri humaka etilweni, ri ku eka mina: “Lemela swilo leswi nga vuriwa hi tindlati leta ntlhanu na timbirhi, u nga swi tsari.”

Nhlavutelo 5:5

Kutani un'wana wa vakulukumba a ku eka mina: “U nga rili, vona, nghala ya rixaka ra Yuda, rimitsu ra Davhida yi hlurile leswaku yi ta pfula buku ni ku lemula ku tiyisa kantlhanu na kambirhi ka yona.”

Nhlavutelo 5:1

Kutani ndzi vona evokweni ra xinene ra la tshameke exiluvelweni buku leyi tsariweke endzeni ni le handle, yi tiyisiwe hi mifungho ya ntlhanu na mimbirhi.

Nhlavutelo 2:17

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, ndzi ta n'wi nyika manna laya fihliweke; ndzi n'wi nyika ni ribye lero basa, leri ku tsariweke eka rona, vito lerintshwa leri nga tiviwiki hi munhu, loko a nga ri loyi a ri amukelaka.’

1 Vakorinto 2:14

Kambe munhu wa nyama a nga amukeri timhaka ta Moya wa Xikwembu; hikuva eka yena, i vuhunguki; kutani wa hluleka ni ku ti tiva, hikuva ti anakanyiwa hi Moya.

Marka 10:10

Kutani loko va ri endlwini, vadyondzisiwa va yena va tlhela va n'wi vutisa mhaka yoleyo.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

2 TIHOSI 11:12

Kavaloko va humesa n'wana wa hosi, va veka harhi ya vuhosi ehenhla ka yena, va n'wi nyika vumbhoni, va n'wi veka hosi, va n'wi chela hi mafurha, va phokotela mavoko va ku: “A ku hanye hosi!”

Duteronoma 4:45

Hi byona vumbhoni ni milawu ni ku lerisa, leswi Muxe a swi nyikeke vana va Israele loko va humile eEgipta,

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.