Esaya 8:13 - Xitsonga (Bibele)

¹³ Yehovha wa tinyimpi, hi yena loyi mi fanelaka ku n'wi hlawula; a a ve yena xichaviso xa n'wina, ni xirhurhumeriso xa n'wina.

BIBELE Mahungu Lamanene

¹³ Tiva leswaku mina HOSI ya matimba hinkwawo, ndzi kwetsimile; kutani u fanele ku chava mina, u rhurhumela emahlweni ka mina ntsena.

Esaya 8:13 Referans Kwoze

Luka 12:5

Kambe ndzi ta mi kombisa loyi mi faneleke ku n'wi chava: Chavani loyi, kutakuloko a dlele miri, a nga ni matimba ya ku susumetela munhu etiheleni. Ina, ndzi ri eka n'wina, yeloyi, n'wi chaveni.

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Pisalema 76:7

Wena, wa chaveka! I mani la nga yimaka emahlweni ka wena, Loko vukari bya wena byi pfuka?

Malakiya 2:5

Ntwanano wa mina na yena ku va ku hanya ni ku rhula, kambe ndzi n'wi nyikile wona leswaku a ndzi chava; kunene u ndzi chavile, a vuya a rhurhumela emahlweni ka vito ra mina.

Esaya 29:23

Hikuva vana va yena, siku va vonaka mitirho ya mavoko ya mina eka yena, va ta dzunisa vito ra mina; ina, va ta dzunisa Mukwetsimi wa Yakobo, va chava Xikwembu xa Israele.

Genesa 31:53

Xikwembu xa Abrahama, ni Xikwembu xa Nahoro, Xikwembu xa tata wa vona, a xi avanyise exikarhi ka hina.” Kutani Yakobo a hlambanya ha Loyi a nga chaviwa hi Isaka.

Varhoma 4:20

kutani a nga vilelanga hi ku tshembisa ka Xikwembu hi ku ka a nga pfumeri; ntsena a tiyisiwa hi ku pfumela, a ri karhi a dzunisa Xikwembu,

Tinhlayo 27:14

hikuva mi landzurile ku lerisa ka mina emananga ya Sini, hi nkarhi wa ku kaneta ka nhlengeletano, mi nga ndzi dzunisanga emahlweni ka vona emhakeni ya mati.” I mati ya Meriba, ya Kadexe, emananga ya Sini.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Eksoda 20:20

Kutani Muxe a ku eka tiko: “Mi nga chaveni hikuva Xikwembu xi tile ku ta mi ringa leswaku nchavo wa xona wu va emahlweni ka n'wina leswaku mi nga dyohi.”

Duteronoma 14:23

Kutani u ta dya emahlweni ka Yehovha Xikwembu xa wena exivandleni lexi a nga ta xi hlawula ku akisa vito ra yena kona, swa vukhume bya koro ya wena, ni bya vhinya ya wena, ni bya mafurha ya wena, ni mativula ya swifuwo swa wena leswikulu ni leswitsongo, u ta dyondza hakona ku chava Yehovha, Xikwembu xa wena, hi masiku hinkwawo.

Esaya 5:16

Kutani Yehovha wa tinyimpi u ta tikurisa hi ku avanyisa, kutani Xikwembu lexi kwetsimaka xi ta tidzunisa hi ku lulama.

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Levhitika 22:32

“Mi nga tshuki mi endla vito ra mina ro kwetsima swahava, kambe ndzi ta hlawuriwa exikarhi ka vana va Israele.

1 SAMIELE 11:7

kutani a tlhava tihomu timbirhi a xindla tinyama ta tona, a endla mihluvi, kutani a yi rhumela hi vanhu etikweni hinkwaro ra Israele; a ku: “Un'wana ni un'wana loyi a nga tiki huma ku landza Sawulo na Samiele tihomu ta yena ti ta xindliwa hi mukhuva wolowo.” Kutani nchavo wa Yehovha wu khoma tiko, vanhu va huma kukota munhu un'we.