Esaya 7:4 - Xitsonga (Bibele)

⁴ u ku eka yena: ‘Tivone, titshamele, u nga chavi, mbilu ya wena yi nga tshuki yi tsana hikwalaho ka swisana leswimbirhi leswi mpukukaka, hikwalaho ka vukari lebyi pfurhaka bya Resini ni bya Siriya, ni bya n'wana Remaliya,

BIBELE Mahungu Lamanene

⁴ u ta fika u ku ka yena: ‘Tivonele, u nga tshuki u tsutsuma-tsutsuma, naswona u nga chavi, u nga tsemeki nhlana, hikuva vukari lebyi pfurhaka bya Resini ni vanhu va yena ni bya n'wana Remaliya, a hi nchumu, wo va musi wa swisana swimbirhi leswi nga kusuhi ni ku timeka.

Esaya 7:4 Referans Kwoze

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Swirilo 3:26

Swi lulamile eka munhu ku langutela hi ku rhula Ku ponisiwa hi Yehovha.

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

Duteronoma 20:3

‘Yingisa Israele! Mi ta tilunghisa namuntlha ku ya lwa ni valala va n'wina. Timbilu ta n'wina ti nga tshuki ti tsana; mi nga tshuki mi chava, mi nga tshuki mi rhurhumela, ni ku va ni vutoya emahlweni ka vona;

Matewu 24:6

Mi ta twa tinyimpi, ni mpfumawulo wa tinyimpi, kambe tivoneleni leswaku mi nga ti tshukisiwa; sweswo hinkwaswo swi fanele ku humelela, kambe ku ta va ku nga si va wona makumu.

Zakariya 3:2

Yehovha a ku eka Satana: “Yehovha a a ku tshinye, Satana! E, Yehovha la nga tihlawulela Yerusalema, a a ku tshinye! Loyi xana a hi xisa lexi vutliweke endzilweni?”

2 TIKRONIKA 20:17

A hi n'wina lava mi nga ta lwa emhakeni leyi; humani, mi va kona, kutani mi ta vona ku pona ka Yehovha, la nga na n'wina.’ N'wina, va Yuda ni va Yerusalema, mi nga chaveni, mi nga heli timbilu! Mundzuku, humani, mi ya hlangana na vona, Yehovha u ta va na n'wina.”

Amosi 4:11

“Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.

Esaya 30:7

Hikuva ku pfuna ka Egipta i swahava ni mafenya; hikwalaho ndzi vula sweswo i mpfumawulo lowukulu, lowu nga pfuniki nchumu.

Esaya 10:24

Hikwalaho, Hosi, Yehovha wa tinyimpi, u te: “Wena tiko ranga la akeke eSiyoni, u nga chavi Asiriya, hambi a ku ba hi nkhavi, ni loko a tlakusa nhonga ehenhla ka wena, tanihi leswi ku endliweke khale hi Vaegipta.

Esaya 8:4

Hikuva n'wana a nga si tiva ku vula: ‘Tatana, manana!’ Xuma xa Damaska ni xuma xa Samariya swi ta yisiwa emahlweni ka hosi ya Asiriya.”

Esaya 7:8

Hikuva nhloko ya Siriya i Damaska, kutani nhloko ya Damaska i Resini, kutani malembe ya 65, loko ma hundzile, Efrayimi a nga ka a nga ha hlayiwi exikarhi ka matiko.

1 SAMIELE 17:32

Davhida a ku eka Sawulo: “Mbilu ya munhu ni un'we yi nga tshuki yi hela hikwalaho ka yena! Nandza wa wena u ta ya lwa ni Mufilista loyi.”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 7:1

Emikarhini ya Akazi, n'wana Yotamu, n'wana Uziya, hosi ya Yuda, Resini, hosi ya Siriya, swin'we na Peka, n'wana Remaliya, hosi ya Israele va ya wela eYerusalema; kambe va hluleka.

Esaya 7:9

Kutani nhloko ya Efrayimi, i Samariya; ni nhloko ya Samariya, i n'wana Remaliya. Loko mi nga pfumeri, mi nga ka mi nga tiyi!”

Esaya 37:6

kutani Esaya a ku eka vona: “Mi ta vurisa sweswo eka hosi ya n'wina, mi ku: ‘Yehovha u vurisa sweswo, a ku: “U nga chavi hikwalaho ka marito lawa u ma yingiseke, lawa malandza ya hosi ya Asiriya ma ndzi sandzeke ha wona.

2 TIHOSI 15:27

Hi lembe ra 52 ra Azariya, hosi ya Yuda, Peka, n'wana Remaliya, a sungula ku fuma etikweni ra Israele a fuma hi malembe ya makume mambirhi eSamariya.

Esaya 8:6

“Leswi tiko leri, ri soleke mati ya Xilowa, lama khulukaka khwatsi, ri tsakela Resini, ni n'wana Remaliya,

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.