Esaya 7:2 - Xitsonga (Bibele)

² Kutani yindlu ya Davhida yi byeriwa leswaku: “Tiko ra Siriya ri tiyimisile ku yima ni tiko ya Efrayimi.” Kavaloko mbilu ya hosi ni timbilu ta vanhu va yena ti tsekatseka, tanihi mirhi ya swihlahla loko yi tsekatsekisiwa hi mheho.

BIBELE Mahungu Lamanene

² Kuteloko hosi Akazi ni va yindlu ya ka vona va twa leswaku Vasiriya ni va ka Efrayimi va twananile ku yima swin'we enyimpini, va rhurhumela ku fana ni mirhi leyi ninginisiwaka hi moya.

Esaya 7:2 Referans Kwoze

Esaya 8:12

“Mi nga vuleni leswaku i ku hlambanyelana hinkwaswo leswi tiko leri ri vulaka ku hlambanyelana; mi nga tshuki mi tshuka hi lexi xi ri tshukisaka, mi nga chaveni.

Esaya 7:13

Esaya a ku: “Yingisani, n'wina va yindlu ya Davhida. Xana i mhaka leyitsongo loko mi karhata vanhu, leswi mi karhataka na xona Xikwembu xa mina?

Esaya 9:9

Tiko hinkwaro ri ta ri tiva, a nga Efrayimi ni vaaki va Samariya, lava tiarisaka ni lava tikukumuxaka etimbilwini ta vona, va ku:

Swivuriso 28:1

Lowo biha u tsutsuma hambi a nga landziwi, Kambe lowo lulama u tsakile kukota xinghalana.

Matewu 2:3

Kuteloko hosi Heroda a swi twa, a tshuka, ni va Yerusalema hinkwavo va tshuka na yena.

Hosiya 12:1

Efrayimi u ndzi rhendzele hi mavunwa, ni yindlu ya Israele, hi ku kanganyisa; loko a ri Yuda, wa ha tiarisa, wa ala ku yingisa Xikwembu, Muhlawuriwa la tshembekaka.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Esaya 37:35

Ndzi ta sirheleta muti lowo ku wu hlayisa, hikwalaho ka mina, ni hikwalaho ka Davhida, nandza wa mina.’ ”

Esaya 37:27

Vaaki va wona va pfumala matimba, va chava, va khomiwa hi tingana va fana ni byanyi bya nhova ni rihlaza, va kotisa byanyi bya malwango, ni mavele lama tshweke loko ma nga si rhumbuka.

Esaya 22:22

Ndzi ta veka mpfungura wa yindlu ya Davhida ekhatleni ra yena; u ta pfula, kutani a ku na la nga ta pfala; u ta pfala, kambe a ku na la nga ta pfula.

Esaya 11:13

Kutani mavondzo ya Efrayimi ma ta hela, valala va yena etikweni ra Yuda va ta susiwa. Efrayimi a nga ka a nga vondzoki Yuda, Yuda, yena, a nga ka a nga ha lwi na Efrayimi.

Esaya 7:17

“Yehovha u ta tisa ehenhla ka wena ni le henhla ka tiko ra wena, ni le henhla ka yindlu ya tata wa wena, masiku lama nga siki humelelaka mpfhuka Efrayimi a avaneke na Yuda, i hosi ya Asiriya.

Esaya 6:13

Kutani kungakuloko un'wana a nga sala eka va khume va vona, na yena, u ta herisiwa. Kambe tanihi mirhi ya munga ni mikuhlu, hambi yi tsemiwile, ku sala swikundzu, nsinya wa vona wu ta hluka rixaka lero kwetsima.”

Pisalema 11:1

Ndzi tshembile Yehovha; Xana mi nga vurisa ku yini eka moya wa mina: “Tsutsumela etintshaveni ta n'wina tani hi nyanyana”?

2 TIKRONIKA 28:12

Kavaloko van'wana exikarhi ka tihosana ta vana va Efrayimi, a ri Azariya, n'wana Yohanani, na Berekiya n'wana Mexilemoto, na Yehizikiya, n'wana Xalumi, na Amasa n'wana Hadilayi, va pfukela lava tlheleke enyimpini,

2 TIKRONIKA 25:10

Kavaloko Amasiya a hlawula vandla leri humeke eka Efrayimi leswaku va timukela ekaya ka vona. Kambe va karihela ngopfu va Yuda va timukela ekaya ka vona hi vukari lebyikulu.

1 TIHOSI 13:2

A huwelela emahlweni ka alitari hi rito ra Yehovha, a ku: “Alitari, alitari! Yehovha u vurisa sweswo, a ku: ‘Waswivo, ku ta velekeriwa yindlu ya Davhida n'wana wa wanuna, vito ra yena u ta va Yosiya; u ta tlhava ehenhla ka wena vaprista va swivandla leswi tlakukeke, lava hisaka mirhi ya risuna ehenhla ka wena, va ta hisa ni marhambu ya vanhu ehenhla ka wena!’ ”

1 TIHOSI 12:16

Vaisraele hinkwavo, kuteloko va vonile leswaku hosi a yi va yingisanga, tiko ri hlamula hosi, ri ku: “Hi ni ku averiwa kwihi na Davhida xana? A hi na ndzhaka ni n'wana wa Yese! Vaisraele, mukani emitsongeni ya n'wina! Wena, Davhida, tilangutele yindlu ya wena!” Kavaloko va Israele va tlhela emitsongeni ya vona.

1 TIHOSI 11:32

kambe u ta sala ni nyimba yin'we hikwalaho ka nandza wa mina, Davhida, ni hikwalaho ka Yerusalema, muti lowu ndzi wu hlawuleke exikarhi ka tinyimba hinkwato ta Israele.

2 SAMIELE 7:16

Kambe yindlu ya wena, ni vuhosi bya wena byi ta tshama hilaha ku nga heriki emahlweni ka wena: swiluvelo swa wena swi ta tiya hi masiku.’ ”

Esaya 7:5

leswi Siriya, na Efrayimi, ni n'wana Remaliya va kaneleke ku endla swo biha, va ku: