Esaya 6:3 - Xitsonga (Bibele)

³ A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

BIBELE Mahungu Lamanene

³ Tintsumi a ti hlamulana ti ku: “Wa kwetsima, wa kwetsima, wa kwetsima loyi a nga HOSI ya matimba hinkwawo, misava hinkwayo yi tele hi ku dzuneka ka yena.”

Esaya 6:3 Referans Kwoze

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

Ezra 3:11

Kutani va pfumelelana, va dzunisa, va vonga Yehovha, va ku: “Kunene u ni vunene, hikuva nsovo wa yena eka Israele hi lowu nga heriki.” Kutani tiko hinkwaro ri endla huwa leyikulu ku dzunisa Yehovha, hikuva ku sunguriwa masungulo ya yindlu ya Yehovha.

Tinhlayo 14:21

Kambe ndzi loyi a hanyaka, ku kwetsima ka Yehovha ku ta tata misava hinkwayo.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Esaya 40:5

Ku vonakala ka Yehovha ku ta humelela, kutani nyama yin'wana ni yin'wana yi ta ku vona, hikuva nomu wa Yehovha wu vurisile.”

Esaya 24:16

Emakun'wini ya misava hi twile tinsimu leti nge: ‘Ku kwetsima eka mululami!’ ” Kambe mina ndzi ku: “Ndzi lovile, ndzi lovile! Ndzi ni khombo! Vaxengi va xenga, vaxengi va xenga ni ku xenga.”

Pisalema 57:11

Oho Xikwembu! Titlakuse henhla ka matilo! Ku kwetsima ka wena a ku ve ehenhla ka misava hinkwayo.

Vaefesa 1:18

a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Pisalema 90:16

Ntirho wa wena a wu vonakarise ka malandza ya wena, Ni ku kwetsima ka wena eka vana va vona!

Pisalema 97:6

Matilo ma vula ku lulama ka yena, Ni matiko hinkwawo ma hlalela ku kwetsima ka yena.

Pisalema 99:3

A va dzunise vito ra wena lerikulu leri chavisaka, Hikuva ri hlawulekile!

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Ezekiele 43:2

Kutani ndzi vona ku kwetsima ka Xikwembu xa Israele ku ta ku huma evuxeni. Rito ra xona ri kotisa mpfumawulo wa mati layo tala; kutani misava yi vangama hi ku vonakala ka xona.

Ezekiele 44:4

Kutani a ndzi nghenisa emahlweni ka yindlu, hi nyangwa ya tlhelo ra n'walungu, Ndzi languta, kutani ndzi vona ku kwetsima ka Yehovha ku tatile yindlu ya Yehovha; ndzi wela ehansi hi mombo wa mina.

Pisalema 8:2

Wa tiyisa matimba ya wena hi milomu ya swihlangi ni ya lava an'waka. Hikwalaho ka lava lwaka na wena, Ku miyeta nala wa wena, ni la tirihiselaka.

Pisalema 66:2

Yimbelelani ku kwetsima ka vito ra xona, Twarisani ku kwetsima ka xona hi ku xi dzunisa.

Pisalema 99:9

Dzunisani Yehovha, Xikwembu xa hina, Mi n'wi khinsamela entshaveni leyo kwetsima ya yena; Hikuva u hlawulekile, Yehovha, Xikwembu xa hina!