Esaya 6:2 - Xitsonga (Bibele)

² Kutani tiserafi a ti yimile ehenhla ka yena yin'wana ni yin'wana a yi ri ni timpapa ta ntlhanu na yin'we: ha timbirhi ti funengeta mimombo, ha timbirhi ti funengeta milenge, ha timbirhi tin'wanyana a ti haha ha tona.

BIBELE Mahungu Lamanene

² A a rhendzeriwe hi tintsumi leti vuriwaka “tiserafi”, yin'wana ni yin'wana yi ri ni timpapa ta 6; timpapa timbirhi a ti ri to funengeta xikandza, timbirhi to funengeta miri, timbirhi to haha ha tona.

Esaya 6:2 Referans Kwoze

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”

Ezekiele 1:11

Mimombo ya swona ni timpapa ta swona a swi avene hi le henhla; xivumbiwa xin'wana ni xin'wana a xi ri ni timpapa timbirhi leti hlanganeke, ni timpapa timbirhi leti nga funengeta miri ya swona.

Pisalema 104:4

U teka mimoya a endla tintsumi ta yena ha yona U tlhela a teka malangavi ya ndzilo a endla malandza ya yena ha wona.

Pisalema 103:20

Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!

Esaya 6:6

Kambe yin'wana ya tiserafi yi hahela eka mina, yi khomile kala lero vuvumela, leri yi ri okeke egandzelweni hi ritlawa.

Pisalema 18:10

U khandziyile kerubu, kutani a haha, A tsemakanya exibakabakeni, a ri etimpapeni ta moya.

1 TIHOSI 6:24

Ku leha ka ripapa rin'wana ra kerubu a swi ri swisungunhu swa ntlhanu, ni ku leha ka ripapa rin'wana ra kerubu, swisungunhu swa ntlhanu: swi ri swisungunhu swa khume ku suka emakun'wini ya timpapa ta yona, ku yisa emakun'wini yan'wana ya timpapa ta yona.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Nhlavutelo 8:13

Kavaloko ndzi languta, kutani ndzi twa ntsumi leyi hahaka empfhukeni wa le tilweni, yi ku hi rito leri tlakukeke: “Ku ni khombo, ku ni khombo, ku ni khombo eka lava akeke emisaveni hikwalaho ka marito lama seleke ya tinanga ta tintsumi letinharhu leti nga ta ti yimba.”

Nhlavutelo 7:11

Kutani tintsumi hinkwato a ti yimile, ti rhendzele xiluvelo, ni vakulukumba, ni swivumbiwa leswi hanyaka leswa mune kutani va khinsama emahlweni ka xiluvelo va gandzela Xikwembu,

Daniele 7:10

Nambu wa ndzilo a wu huma wu khuluka emahlweni ka yena. A tirheriwa hi madzana ya madzana, kutani dzana ra timiliyoni a ti yimile emahlweni ka yena. Kavaloko vaavanyisi va tshama, kutani tibuku ti phendliwa.

Ezekiele 10:21

Yin'wana ni yin'wana a yi ri ni mune wa mimombo, yin'wana ni yin'wana a yi ri ni mune wa timpapa; xilo lexi fanaka ni voko ra munhu a xi ri ehansi ka timpapa ta tona.

Ezekiele 1:24

Loko swi famba, ndzi twa pongo ra timpapa ta swona ri fana ni mpfumawulo lowukulu wa mati, wu fana ni rito ra Lowa matimba, ni huwa ya nyimpi leyikulu. Loko swi yima, swi wisa timpapa ta swona ehansi.

Ezekiele 1:9

Timpapa ta swona a ti hlangene, a swi nga rhendzeleki loko swi famba, kambe xivumbiwa xin'wana ni xin'wana xi famba emahlweni hi ku lulama.

Ezekiele 1:6

Xin'wana ni xin'wana a xi ri ni mimombo ya mune; kambe xin'wana ni xin'wana a xi ri ni timpapa ta mune.

Ntirho 15:15

Vona, swi tsandza ni vakwetsimi va xona, a xi va tshembi, Hambi ma ri matilo, a ma basanga emahlweni ka xona,

Ntirho 1:6

Siku rin'wana vana va Xikwembu va ya humelela emahlweni ka Yehovha na yena Satana a nghena exikarhi ka vona.

1 TIHOSI 22:19

Kutani Mikaya a ku: “Hikwalaho, yingisa rito ra Yehovha: Ndzi vonile Yehovha a tshamisile exiluvelweni xa yena, a ri ni vandla hinkwaro ra matilo ekusuhi na yena exineneni ni le ximatsini.

1 TIHOSI 8:7

Hikuva tikerubu a ti tshambuluta timpapa exivandleni xa areka, ti funengeta areka ni mimpingu ya yona.

1 TIHOSI 6:27

A veka tikerubu endzeni ka Yindlu, exikarhi ka yona. Kutani va endla timpapa ta tikerubu ti tshambulutiwile leswaku ripapa ra yin'wana ri fikela ekhumbini etlhelo rin'wana, ni ripapa ra kerubu ya vumbirhi ri khoma ekhumbini etlhelo rin'wana, kambe timpapa tin'wana ta tona ti hlangana exikarhi ka Yindlu.

Eksoda 37:9

Tikerubu a ti tshambuluta timpapa ta tona ehenhla, ti funengeta vukhongelelo hi timpapa ta tona, ti ri karhi ti langutene; mimombo ya tikerubu a yi languta vukhongelelo.

Eksoda 25:20

Tikerubu ti ta tshambuluta timpapa ta tona ehenhla, ti funengeta vukhongelelo hi timpapa, ti ri karhi ti langutene; mimombo ya tikerubu yi languta vukhongelelo.

Pisalema 89:7

Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

Ntirho 4:18

Vona, swi tsandza ni malandza ya xona, a xi va tshembi, Xi vona vuhunguki ni le ka tintsumi ta xona!

1 TIHOSI 19:13

Kuteloko Eliya a wu twa a tifunengeta mombo hi nkhancu wa yena, a huma, a yima enyangweni ya bako. Kutani, maswivo, a twa rito leri nge ka yena: “U endla yini kwala, wena Eliya?”

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Genesa 17:3

Kavaloko Abrama a wela emombyeni wa yena, kutani Xikwembu xi vulavula na yena, xi ku:

Vaheveru 1:7

Kasi loko xi vula tintsumi, xi te: “Xi endle tintsumi ta xona mimoya, ni malandza ya xona malangavi ya ndzilo”;

Luka 1:10

Ntshungu hinkwawo wa tiko a wu ri ehandle, wu khongela enkarhini wolowo wa magandzelo ya risuna.

Zakariya 3:4

Ntsumi yi ahlamisa nomu, yi byela lava yimeke ekusuhi na yona, yi ku: “N'wi hluvuriseni tinguvu ta thyaka.” Kutani yi ku eka yena: “Vona, ndzi cukumete ku biha ka wena kule na wena, ndzi ku ambexa tinguvu leto saseka.”

Daniele 9:21

kakuloko ndza ha vulavula hi xikhongelo, wanuna Gabriele, yeloyi a ndzi sungurile ku n'wi vona exivonweni a hatlisa a ta eka mina, wu ri nkarhi wa gandzelo ra madyambu.

Ezekiele 10:16

Loko tikerubu a ti famba, masondzo na wona a ma famba ekusuhi na tona; loko tikerubu ti tlakusa timpapa ku hahela ehenhla, wona masondzo a ma nga suki ekusuhi na tona.

Ezekiele 1:4

A ndzi languta, kutani ku huma en'walungwini emheho leya matimba, ni papa lerikulu, ni ndzilo lowukulukumba lowu nga voninga hi matlhelo hinkwawo; exikarhi ka wona a ku vonaka xilo lexi nga fana ni koporo leyi vangamaka swinene.

Nehemiya 9:6

Hi wena Yehovha u ri swaku, hi wena u endleke matilo ni matilo ya matilo, ni mavandla hinkwawo ya wona, ni misava, ni hinkwaswo leswi nga ehenhla ka yona, ni malwandle, ni leswi nga eka wona, hi wena la hanyisaka swilo leswi hinkwaswo, mavandla ya le matilweni ma karhi ma khinsama emahlweni ka wena.