Esaya 59:3 - Xitsonga (Bibele)

³ Hikuva mavoko ya n'wina ma nyamisiwile hi ngati, ni tintiho ta n'wina hi vudyoho; milomu ya n'wina yi vula mavunwa, tindzimi ta n'wina ti vulavula swa lunya.

BIBELE Mahungu Lamanene

³ Mavoko ya n'wina ni tintiho ta n'wina swi lo pyì, hi ngati ni leswo homboloka; loko mi pfula nomo mi vulavula, ku huma vuxisi ni ku kanganyisa ntsena.

Esaya 59:3 Referans Kwoze

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Ezekiele 13:8

Hikwalaho Hosi Yehovha u ri: “Leswi mi vulavulaka swahava, mi lorha swa mavunwa vonani, ndzi ta lwa na n'wina, ku vula Hosi Yehovha.

Yeremiya 2:34

Kasi ni le madziveni ya nguvu ya wena, ku kumiwa ngati ya swisiwana leswi nga riki na nandzu, lava u nga va khomangiki va boxa yindlu ya wena, kambe u va dlayile hikwalaho ka mikhuva ya wena hinkwayo.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Esaya 1:21

Yo! Muti lowu tshembekeke, wu hundzukile wa mbiri A wu tele swo lulama, ku lulama a ku akile kona, kasi sweswi, i vadlayi.

Mikiya 7:2

Munhu lonene u lovile emisaveni, a ka ha ri na la lulameke exikarhi ka vanhu. Hinkwavo va bvutama ku halata ngati, un'wana ni un'wana u rhiyile makwavo hi ntlhamu.

Mikiya 6:12

Vafuwi va muti wolowo va tele ku xisa ni vaaki va wona va vulavula mavunwa; ririmi ra vona ra kanganyisa enon'wini wa vona.

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Ezekiele 35:6

Hikwalaho ndza hanya, ku vula Hosi, Yehovha ndzi ta ku lunghisela ngati kutani ngati yi ta ku landzela:

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Ezekiele 7:23

“Lunghisani tiketana, hikuva tiko ri tele hi ngati ni mangava, muti wu tele hi swidyoho.

Yeremiya 7:8

“ ‘Kambe maswivo, mi titshembisa hi ku vulavula ka swahava loku nga pfuniki nchumu.

1 Timotiya 4:2

hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Hosiya 7:3

Hi mona wa vona va tsakisa hosi; ni tindhuna, hi vunwa bya vona.

Ezekiele 22:2

“Wena n'wana wa munhu, u ta wu avanyisa, u ta wu avanyisa muti wa ngati xana? U ta wu tivisa manyala hinkwawo ya wona,

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

Esaya 28:15

Mi ri: “Hi endlile ntwanano ni rifu, hi hlangene ni xivandla xa vafi, hambi khombo ri hundza tanihi ndhambi, a ri nga hi fikeli hikuva hi endle vunwa xichavelo xa hina, ni ku xisa xisirhelo xa hina.”

Esaya 30:9

Hikuva i tiko leri tiarisaka, i vana va mavunwa, vana lava alaka ku yingisa milawu ya Yehovha;

Esaya 44:20

A tixurhisa hi nkuma, mbilu ya yena leyi xisiweke yi n'wi kanganyisa. A nga ka a nga tshunxi moya wa yena, a ku: “Lexi ndzi xi khomeke evokweni ra mina, a hi vunwa xana?”

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Swivuriso 6:17

I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu;

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Yeremiya 9:7

Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.