Esaya 55:2 - Xitsonga (Bibele)

² Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

BIBELE Mahungu Lamanene

² Xana mi xavela yini hi mali ya n'wina swilo leswi nga riki swakudya, naswona hikwalaho ka yini mi tirhela leswi nga xurhisiki, xana? Tikarhateleni ku yingisa mina, kutani mi ta dya leswo nandziha, mi hanya emafurheni.

Esaya 55:2 Referans Kwoze

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Pisalema 36:8

Va xurha hi mafurha ya yindlu ya wena, Kutani u va nwisa enambyeni wa mati yo nandziha ya wena;

Pisalema 22:26

Lava nga ekhombyeni va ta dya va xurha; Lava lavaka Yehovha va ta yimbelela tinsimu ta yena; Timbilu ta n'wina ti ta hanya hi laha ku nga heriki.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Yeremiya 31:14

Ndzi ta xurhisa mimoya ya vaprista hi mafurha, kutani tiko ra mina ri ta xurha ku nandzihaka mina, ku vula Yehovha.”

Habakuku 2:13

Vonani, xana a hi mhaka leyi pfaka eka Yehovha wa tinyimpi loko matiko ma tikarhatela lexi nga ta hisiwa hi ndzilo, kutani tinxaka ti humesela matimba ya tona swahava?

Hosiya 8:7

Va byala moya, kambe va ta tshovela xidzedze. Mavele, wona, a ma nga vi kona; nchocho wu nga ka wu nga veki swakudya, ni loko wu nga veka, swi ta dyiwa hi vamatiko.

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Marka 7:14

Kuteloko a vitanile vunyingi hinkwabyo eka yena, a ku eka vona: “Ndzi yingiseni hinkwenu, mi twisisa:

Matewu 22:4

A engeta a rhuma malandza man'wana, a ku: ‘Byelani lava rhambiweke, mi ku: Maswivo, ndzi lunghisile swakudya swa mina, tihavi ta mina ni swifuwo swo nona swa mina swi tlhaviwile; swilo hinkwaswo swi lunghisiwile, tanani enkhubyeni.’

Esaya 51:1

“Ndzi yingiseni, n'wina lava tilavelaka swo lulama, lava lavaka Yehovha! Langutani ribye leri mi tekiweke eka rona ni ntshava ya ribye leyi mi humesiweke eka yona!

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Varhoma 9:31

kasi Vaisraele lava nga lava nawu wa ku lulama, a va kumanga nawu wa ku lulama.”

Matewu 15:9

Va ndzi khinsamela swahava loko va dyondzisa tidyondzo, leyi nga milawu ya vanhu ntsena.’ ”

Esaya 51:4

“Yingisa, wena, tiko ranga, na n'wina vanhu vanga, mi ndzi rhiyela tindleve, hikuva nawu wu ta huma eka mina; ndzi ta tiyisa milawu ya mina ku voninga matiko.

Esaya 1:19

Kungakuloko mi yingisa hi ku tsaka, mi ta dya leswo nandziha swa tiko;

Swivuriso 9:5

“Tanani, mi dya swakudya swa mina, Mi nwa vhinyo leyi pfanganyisiweke.

Pisalema 34:11

Tanani vana, mi ndzi yingisela, Ndzi ta mi dyondzisa xichavo xa Yehovha.

Varhoma 10:17

Kunene ku pfumela, ku ta hi ku yingisa, kutani ku yingisa ku ta hi rito ra Xikwembu.

Luka 15:23

Tisani rhole leri noneke, mi ri tlhava, hi dya, hi tsaka;

Hosiya 12:1

Efrayimi u ndzi rhendzele hi mavunwa, ni yindlu ya Israele, hi ku kanganyisa; loko a ri Yuda, wa ha tiarisa, wa ala ku yingisa Xikwembu, Muhlawuriwa la tshembekaka.

Esaya 46:6

Va humesa nsuku enkwameni wa vona, va pima silivhere exikalweni va rhamba mufuri leswaku a fula ha swona xikwembu ku xi khinsamela ni ku xi gandzela.

Esaya 25:6

Yehovha wa tinyimpi u ta lunghisela matiko hinkwawo entshaveni leyi, swakudya swa tinyama leti noneke, ni swakunwa swa tivhinyo leti tengeke, leti kumiwaka ehenhla ka xisense; ti ri tinyama leti noneke, leti teleke, ni mafurha, ni tivhinyo ta khale leti tengisiweke.

Eklesiasta 6:2

Hi leswaku loko Xikwembu xi nyikile munhu rifuwo, ni xuma, ni ku twala, ku fikela loko a nga ha pfumali nchumu eku hanyeni ka yena, hambi xi ri xilo xin'we xa hinkwaswo leswi a swi navelaka, Xikwembu a xi n'wi nyiki nkarhi wa ku dya swona, i un'wana la swi dyaka. Swoleswo i vuhava ni khombo leri vavisaka.

Swivuriso 8:32

“Sweswi, vana vanga, ndzi yingiseni, Ku katekile lava yaka hi tindlela ta mina!

Duteronoma 11:13

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina,

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Esaya 44:20

A tixurhisa hi nkuma, mbilu ya yena leyi xisiweke yi n'wi kanganyisa. A nga ka a nga tshunxi moya wa yena, a ku: “Lexi ndzi xi khomeke evokweni ra mina, a hi vunwa xana?”

Swivuriso 7:23

Xi ko xi tlhaviwa xivindzi hi nseve, Ku kotisa nyanyana leyi hatlisaka ku wela entlhan'wini, Yi nga tivi leswaku wu ta lovisa vutomi bya yona.

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Esaya 10:27

“Enguveni yoleyo ndzhwalo wa Asiriya wu ta susiwa ekhatleni ra wena, ni joko ra yena enhan'wini ya wena, kutani joko ri ta tshoveka hi ku nyuhela ka wena.”

Esaya 62:8

Yehovha u hlambanyile hi voko ra yena ra xinene, hi voko ra matimba ra yena: “Ndzi nga ka ndzi nga ha nyiki valala va wena koro ya wena, leswaku va dya, kutani vana va n'eni va nga ka va nga ha nwi vhinyo ya wena, wu nga mbhandzu wa mitirho ya wena;

Esaya 62:9

hikuva lava nga ta va va tshoverile va ta dya, va ri karhi va tlangela Yehovha; na swona, lava nga ta va va hlengeletile vhinyo, va ta nwa emakupakupeni ya yindlu ya mina ya ku kwetsima.”

Esaya 65:23

va nga ha tikarhateli swahava, a va nga ha veleki vana ku va vona va hatla va fa; hikuva va ta va rixaka leri katekisiweke hi Yehovha, kutani vana va vona va ta hanya na vona.

Yeremiya 12:13

Va byarile koro, kutani va tshovele mitwa; va tikarhatile, kambe a va tshovelanga nchumu. Mi va ni tingana eku tshoveleni ka n'wina, hikwalaho ka ku kariha loku hisaka ka Yehovha.”

Yeremiya 17:24

Kungakuloko mi ndzi yingisa swinene, ku vula Yehovha, kutani mi nga fambisi mirhwalo hi tinyangwa ta muti lowo hi siku ra Savata, kambe mi hlawula siku ra Savata, mi nga endli ntirho ni wun'we hi siku rero,