Esaya 51:12 - Xitsonga (Bibele)

¹² “Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

BIBELE Mahungu Lamanene

¹² HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Esaya 51:12 Referans Kwoze

Pisalema 118:6

Yehovha wa ndzi yimele, a ndzi nga chavi nchumu. Munhu a nga ndzi endla yini?

1 Petro 1:24

Hikuva “nyama hinkwayo yi kotisa byanyi, kutani ku kwetsima hinkwako ka yona kukotisa xiluva xa byanyi; byanyi byi omile, kutani xiluva xa byona xi wile;

Esaya 2:22

Hikwalaho-ke, tshikani ku tshemba munhu la nga ni ku hefemula ntsena etinhompfini ta yena, hikuva munhu u pfuna yini xana?

Yohane 14:18

Ndzi nga ka ndzi nga mi siyi mi ri swisiwana, ndzi ta ta eka n'wina.

Esaya 66:13

Tanihi munhu la chaveleriwaka hi mana wa yena, ndzi ta mi chavelela xisweswo kutani mi ta chaveleriwa emutini wa Yerusalema.”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Esaya 43:25

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

Swivuriso 29:26

Lavo tala va lava ku voniwa hi hosi, Kambe ku avanyisa ka munhu ku huma eka Yehovha.

Pisalema 146:4

Ku hefemula ka vona loko ku hela, va tlhelela entshurini; Kutani hi siku rolero makungu ya vona ma ta hela.

Pisalema 92:7

Hambi vadyohi va mila tanihi byanyi, Ni vahomboloki loko va andza, Va ta herisiwa ni makumu.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

1 SAMIELE 15:24

Kavaloko Sawulo a ku eka Samiele: “Ndzi dyohile, hikuva ndzi tlurile ku lerisa ka Yehovha ni marito ya wena; hi leswi ndzi chaveke tiko, ndzi yingiseke rito ra rona.

2 TIHOSI 1:15

Kutani ntsumi ya Yehovha yi ku eka Eliya: “Xika na yena, u nga n'wi chavi.” Eliya a pfuka, a ngirimela na yona ehosini.

Esaya 40:1

Chavelelani, chavelelani tiko ra mina ku vula Xikwembu xa n'wina.

Esaya 49:13

N'wina matilo, huwelelani hi ku tsaka! Wena misava, pfuka u tsakisisa! N'wina tintshava, banani mikulungwana! Hikuva Yehovha u chavelerile tiko ra yena, u twerile va yena lava rilaka vusiwana.

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

Yeremiya 38:19

Hosi Sedekiyasi a byela Yeremiya, a ku: “Kambe ndzi chava Vayuda lava tinyiketeke eka Vakalediya, leswaku ndzi nyiketiwa emavokweni ya vona, va ta tlanga ha mina.”

Yeremiya 41:18

a va va chava, hikuva Iximaele n'wana Netaniya, a dlayile Gedaliya, n'wana Ahikama, loyi hosi ya Babilona ingi yi n'wi vekile ku risa tiko.

Ezekiele 2:6

Na wena, n'wana wa munhu, u nga va chavi, u nga chavisiwi hi ku vulavula ka vona, hambi u le xikarhi ka swigatlu ni mitwa ni swipame, u nga chavi ku vulavula na vona, u nga chavi mimombo ya vona hambi va ri vanhu lava tiarisaka.

1 SAMIELE 17:11

Sawulo ni Vaisraele hinkwavo va twa marito ya Mufilista, kutani va hela timbilu va chava ngopfu.

1 SAMIELE 21:13

Kutani a endla swange a hlanya emahlweni ka vona, a tsala marimba ya tinyangwa, a tshika rihlakahla ri xiririka emalebvini ya yena.

Esaya 8:12

“Mi nga vuleni leswaku i ku hlambanyelana hinkwaswo leswi tiko leri ri vulaka ku hlambanyelana; mi nga tshuki mi tshuka hi lexi xi ri tshukisaka, mi nga chaveni.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 52:9

Banani mikulungwana, n'wina hinkwenu swin'we, marhumbi ya Yerusalema; hikuva Yehovha u chavelerile tiko ra yena, u kutsule Yerusalema!

Esaya 61:2

ni ku vula lembe lerinene ra Yehovha, ni siku ra ku tirihisela ka Xikwembu xa hina ku chavelela hinkwavo lava vavisekaka;