Esaya 5:16 - Xitsonga (Bibele)

¹⁶ Kutani Yehovha wa tinyimpi u ta tikurisa hi ku avanyisa, kutani Xikwembu lexi kwetsimaka xi ta tidzunisa hi ku lulama.

BIBELE Mahungu Lamanene

¹⁶ Kambe HOSI Xikwembu xa matimba hinkwawo xi ta dzunisiwa, hikuva xi avanyisa hi ku lulama; hi xona Xikwembu lexo kwetsima lexi kombaka ku hlawuleka ka xona hi ku endla leswi lulameke.

Esaya 5:16 Referans Kwoze

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Esaya 12:4

“Tlangelani Yehovha, khongelani vito ra yena mi tivisa matiko mahlori ya yena twarisani, mi ku: ‘Vito ra yena hi leri tlakukeke.’

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!

1 Petro 2:15

Hikuva hi kona ku rhandza ka Xikwembu, leswaku hi ku endla leswinene, mi miyeta vuphukuphuku bya vanhu lava nga tiviki nchumu;

Ezekiele 36:23

Ndzi ta kwetsimisa vito ra mina lerikulu leri nga ni tingana exikarhi ka matiko lawa mi nga ri nyamisa eka wona, kutani matiko ma ta swi tiva leswaku hi mina Yehovha, ku vula Hosi Yehovha, loko ndzi ta kwetsimisiwa ha n'wina emahlweni ka vona.

Esaya 29:23

Hikuva vana va yena, siku va vonaka mitirho ya mavoko ya mina eka yena, va ta dzunisa vito ra mina; ina, va ta dzunisa Mukwetsimi wa Yakobo, va chava Xikwembu xa Israele.

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

Esaya 33:5

Yehovha u tlakukile, hikuva u akile endhawini ya le henhla; u tatile Siyoni hi ku lulama ni vunene.

Esaya 8:13

Yehovha wa tinyimpi, hi yena loyi mi fanelaka ku n'wi hlawula; a a ve yena xichaviso xa n'wina, ni xirhurhumeriso xa n'wina.

Ezekiele 38:23

Kutani ndzi ta titwarisa ni ku tikwetsimisa, ndzi ta titivisa emahlweni ka matiko lamanyingi, ma ta tiva leswaku hi mina Yehovha.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 2:17

Ku kukumuka ka lowa ku fa ku ta tsongahatiwa, ku tlakuka ka tinhenha ku ta tsan'wisiwa, kutani Yehovha a ri swakwe u ta tlakusiwa esikwini rero.

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”

Esaya 61:8

“Hikuva mina, Yehovha, ndzi rhandza ku lulama, ndzi venga ku phanga loku endliwaka hi ku xisa; ndzi ta va nyika hi ku tshembeka hakelo ya vona, kutani ndzi ta endla na vona ntwanano lowu nga heriki.

Esaya 28:17

“Ndzi ta teka mfanelo ndzi yi endla xipimo, ni ku lulama ndzi ku endla xiringaniso, kutani xihangu xi ta kukula xichavelo xa vunwa, ni mati ma ta kukuleta xisirhelo xa n'wina.

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Pisalema 21:13

Pfuka Yehovha, hi matimba ya wena, Hi rhandza ku yimbelela ni ku twarisa matimba ya wena.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

1 Petro 1:16

hikuva ku tsariwile leswaku: “Hlawulekani, hikuva ndzi hlawulekile.”

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Ezekiele 28:22

u ku: Hosi Yehovha u ri: Vona, ndzi le ka wena, Sidoni; ndzi ta dzunisiwa exikarhi ka wena. Va ta swi tiva leswaku hi mina Yehovha, siku ndzi n'wi humeselaka ku avanyisa, ndzi tiendlaka la hlawulekeke eka yena.

1 Petro 3:15

kambe mi hlawula Hosi, a nga Kriste, etimbilwini ta n'wina, mi tilunghisa hi masiku ku tihlamulela hi musa ni xichavo eka hinkwavo lava mi vutisaka ku tshemba ka n'wina;

Esaya 33:10

“Sweswi ndzi ta pfuka,” ku vula Yehovha, “kutani ndzi ta titlakusa, ndzi va ndzi tikurisa.

Ezekiele 20:41

Ndzi ta mi amukela, ni magandzelo ya n'wina layo nun'hwela, loko ndzi mi humesile eka vanhu, ndzi mi hlengeleta ematikweni lawa mi hangalasiweke eka wona, ndzi ta hlawuleka ha n'wina emahlweni ka matiko;

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Tinhlayo 20:13

Hi wona mati ya Meriba (ku kaneta), laha vana va Israele va nga kanetela Yehovha kona; kutani a tikwetsimisa eka vona.

Esaya 2:9

Kwalaho lowa ku fa u ta tsongahatiwa, lavakulu va ta tsan'wisiwa, kutani u nga ka u nga va rivari.

Ezekiele 28:25

“Hosi Yehovha u ri: Siku ndzi hlengeletaka yindlu ya Israele evanhwini lava va hangalasiweke xikarhi ka vona, ndzi ta tiendla la hlawulekeke ha vona emahlweni ka matiko, kutani va ta aka etikweni ra vona leri ndzi ri nyikeke nandza wa mina Yakobo.