Esaya 49:7 - Xitsonga (Bibele)

⁷ U vula sweswo Yehovha, Mukutsuri ni Muhlawuleki wa Israele, eka loyi a soriweke hi vanhu, la nyenyiweke hi tiko, eka khumbi ra lava fumaka u ri: “Tihosi ti ta n'wi vona ti va ti pfuka, ni tindhuna ti ta khinsama hikwalaho ka Yehovha la tshembekaka, ni hikwalaho ka Mukwetsimi wa Israele la ku hlawuleke.”

BIBELE Mahungu Lamanene

⁷ Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Esaya 49:7 Referans Kwoze

Matewu 26:67

Kutani va n'wi tshwutela hi marhi emahlweni, va n'wi ba hi xibakela, van'wana va n'wi ba hi tinhonga, va ku:

1 Petro 2:4

Hi yena loyi, loko mi n'wi tshinelele, ri nga ribye leri hanyaka, leri nga cukumetiwa hi vanhu, kambe eka Xikwembu, ri nga leri hlawuriweke, leri pfumariwaka;

Esaya 53:3

A soriwa, a tshikiwa hi vanhu, munhu wa mahlomulo, la tivaka maxangu, la soriweke tanihi xilo lexi yilaka, kutani a hi vulanga nchumu ha yena.

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Esaya 48:17

Ku vula sweswo Yehovha Mukutsuri wa wena, Muhlawuriwa wa Israele a ku: “Hi mina Yehovha, Xikwembu xa wena la ku dyondzisaka, a ku pfuna a ku fambisa endleleni leyi u faneleke ku famba ha yona.

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

Zakariya 11:8

Ndzi lovisa varisi vanharhu hi n'hweti yin'we; ntsena moya wa mina wu herisiwa mbilu hi tinyimpfu; na tona, mimoya ya tona yi phiriwa hi mina.

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Yohane 19:15

Kambe va huwelela, va ku: “N'wi suse, n'wi suse, u n'wi vambe!” Pilato a ku eka vona: “Ndzi ta vamba hosi ya n'wina xana?” Vaprista lavakulu va hlamula, va ku: “A hi na hosi yimbe loko a nga ri Khezari.”

Luka 23:35

Vunyingi a byi yimile byi languta; na tona tihosi ti n'wi tseketsela, ti ku: “U hanyisile van'wana! A a tiponise na yena loko a ri Kriste, muhlawuriwa wa Xikwembu!”

Luka 23:23

Kambe va huwelela hi marito lamakulu, va kombela leswaku a vambiwa; kutani ku huwelela ka vona ni ka vaprista ku va ku hlula.

Esaya 60:10

Vana va n'eni va ta aka rirhangu ra wena, kutani tihosi ta vona ti ta ku tirhela, hikuva evukarini bya mina ndzi ku bile, kambe etintswalweni ta mina, ndzi ku tsetselele.

Esaya 60:3

Matiko ma ta famba eku vonakaleni ka wena, ni tihosi ti ta ta eku kwetsimeni ka tin'hwembeti ta wena.

Esaya 50:6

ndzi nyiketile nhlana wa mina eka lava nga ndzi ba, ni marhama ya mina eka lava nga ndzi hluvelela malebvu; a ndzi fihlanga mombo wa mina loko va ndzi rhuketela, ni loko va ndzi tshwutela hi marhi emahlweni.

Esaya 48:7

Ta ha ku tumbuluka sweswi, ku nga ri khale, a ku twangi nchumu wa tona ku fika sweswi, hileswaku u nga ti vula, u ku: ‘Vonani, a ndzi swi tiva?’

Pisalema 68:31

Tihosi letikulu ti ta ti pfa eEgipta; Etiyopiya a angwetla a tshambuluta mavoko eka Xikwembu.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

Yohane 19:6

Kambe vaprista lavakulu ni malandza kakuloko va n'wi vona, va huwelela, va ku: “N'wi vambe, n'wi vambe!” Pilato a ku eka vona: “N'wi tekeni, mi ri n'wina, mi ya n'wi vamba; hikuva mina a ndzi voni nandzu eka yena.”

Yohane 18:40

Kambe va engeta va huwelela hinkwavo, va ku: “Ku nga ri loyi; a ku ve Barabasi.” Kasi Barabasi a a ri khamba.

Luka 23:18

Kutani va huwelela hinkwavo swin'we va ku: “Susa loyi, u hi tshunxela Barabasi.”

Luka 22:27

Hikuva lonkulu i mani? Xana hi la tshamaka etafuleni, kumbe la tirhelaka kona xana? A hi la tshamaka etafuleni xana? Kambe mina, ndzi le xikarhi ka n'wina kukota la tirhelaka.

Esaya 60:16

U ta an'wa mafi ya matiko, u ta an'wa vele ra tihosi; kutani u ta tiva leswaku mina Yehovha, ndzi muponisi wa wena, ni leswaku Lowa matimba wa Yakobo, i mukutsuri wa wena.

Pisalema 69:19

U tiva ku soriwa ka mina, ni tingana ta mina, ni ku sandziwa ka mina; Valala hinkwavo va mina va le mahlweni ka wena.

1 Vakorinto 1:9

Xikwembu xa tshembeka, lexi mi vitaneleke ku hlangana ni N'wana wa xona, Yesu Kriste, Hosi ya hina.

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

Duteronoma 7:9

U ta tiva leswaku i Yehovha, Xikwembu xa wena, la nga Xikwembu, Xikwembu lexi tshembekaka, lexi hlayisaka ntwanano wa xona ni tintswalo, ku fika etinxakeni ta khume ra madzana, eka lava n'wi rhandzaka, ni ka lava hlayisaka milawu ya yena;

Pisalema 47:9

Tihosana ta matiko ti hlengeletana Ni tiko ra Xikwembu xa Abrahama, Hikuva switlhangu swa misava i swa Xikwembu: Xi tlakukile ngopfungopfu.

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Esaya 19:21

Yehovha u ta titivisa eka Vaegipta, kutani Vaegipta va ta tiva Yehovha hi siku rero; va ta n'wi tirhela hi magandzelo ni mihlengo; va ta tiboha eka Yehovha hi ku hlambanya, kutani va ta endla hakona.

Esaya 19:23

Enkarhini wolowo ndlela yi ta va kona leyi humaka eEgipta ku ya etikweni ra Asiriya, Asiriya u ta ya eEgipta, kutani Egipta u ta ya eka Asiriya kutani Vaegipta va ta gandzela swin'we ni Vaaxuru.

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Esaya 66:23

Kutani ku ta humelela leswaku n'weti yin'wana ni yin'wana ni Savata rin'wana ni rin'wana, nyama hinkwayo yi ta ta ku ndzi khinsamela,” ku vula Yehovha.