Esaya 49:2 - Xitsonga (Bibele)

² U endle nomu wa mina banga lero kariha, u ndzi tshamisile endzhutini wa voko ra yena;

BIBELE Mahungu Lamanene

² Nomo wa mina, xi wu endlile fumu lero tontswa, xi ndzi sirhelela hi voko ra xona; xi ndzi endlile nseve lowu vangamisiweke, xi ndzi tumbeta enkotlotweni wa xona.

Esaya 49:2 Referans Kwoze

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Nhlavutelo 1:16

A a khomile tinyeleti ta ntlhanu na timbirhi evokweni ra yena ra xinene; enon'wini wa yena a ku huma tlhari leri karihaka hi matlhelo mambirhi, mombo wa yena a wu fana ni dyambu loko ri kwetsima hi matimba ya rona.

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Esaya 51:16

Ndzi vekile marito ya mina enon'wini wa wena, ndzi ku vekile endzhutini wa voko ra mina, ku andlala matilo lamantshwa ni ku sungula misava leyintshwa, ni ku byela Siyoni: ‘U tiko ra mina!’ ”

Nhlavutelo 2:12

“Tsalela ni ntsumi ya kereke ya Pergamo, u ku: “ ‘La nga ni tlhari leri karihaka hi matlhelo mambirhi, u vulavula sweswo u ri:

Yeremiya 1:18

Languta, namuntlha, mina ndzi ku endla muti wa khokholo, ni mhandze ya nsimbhi, ni rirhangu ra koporo emahlweni ka tiko hinkwaro, ni le mahlweni ka tihosi ta Yuda, ni le mahlweni ka vakulukumba va kona, ni le mahlweni ka vaprista va kona, ni le mahlweni ka vanhu va tiko.

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Hosiya 6:5

Hikwalaho, ndzi va bile hi vaprofeta, ndzi va dlele hi marito ya nomu wa mina; ku avanyisa ka mina ku ve tanihi ku vonakala loku humaka!

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

Luka 23:46

Kutani Yesu a huwelela hi rito lerikulu, a ku: “Tatana, ndzi nyiketa moya wa mina emavokweni ya wena.” Loko a ri karhi a vula sweswo, a fa.

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Vaefesa 6:17

Rhwalani xihuku xa ku hlayiseka, mi va mi tamela fumu ra Moya, ri nga Rito ra Xikwembu;

Nhlavutelo 2:16

Hundzuka-ke; loko u nga hundzuki, ndzi ta hatlisa ndzi ta eka wena, ndzi lwa na vona hi tlhari ra nomu wa mina.

Eksoda 33:22

kutakuloko ku kwetsima ka mina ku hundza, ndzi ta ku nghenisa ebakweni ra ribye, ndzi ku funengeta hi voko ra mina, ndzi ko ndzi khaluta;

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Habakuku 3:11

Dyambu ni n'weti swi yima exivandleni xa swona hi ku tshuka ku vangama ka miseve ya wena loko yi hundza, ni ku kwetsima ka fumu ra wena loku hatimaka.