Esaya 48:2 - Xitsonga (Bibele)

² hikuva va tithya hi vito ra muti lowo kwetsima, va tshemba Xikwembu xa Israele, lexi vito ra xona ri nga Yehovha wa tinyimpi!

BIBELE Mahungu Lamanene

² Mi tidzunisa, mi ku mi vaaki va muti lowo hlawuleka, mi vula leswaku mi tiseketela hi Xikwembu xa Israele, lexi vito ra xona ri nga HOSI ya matimba hinkwawo.

Esaya 48:2 Referans Kwoze

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Varhoma 2:17

Wena-ke, la nga ni vito ra Muyuda, u tshembeke nawu, u tidzunisaka hi Xikwembu,

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Esaya 10:20

Enkarhini wolowo, masalela ya Israele ni lava poneke va yindlu ya Yakobo va nga ka va nga ha tshami va tshemba mubi wa vona, kambe va ta tshemba kunene Yehovha, Mukwetsimi wa Israele.

Matewu 27:53

kuteloko va hume emasirheni, endzhaku ka ku pfuka ka yena, va nghena emutini lowu hlawuriweke va voniwa hi lavo tala.

Yeremiya 21:2

“Wa nga hi vutisela eka Yehovha hikuva Nebukadnetsara, hosi ya Babilona, wa hi hlasela; kumbe Yehovha a nga hi endlela rin'wana ra masingita ya yena, leswaku loyi a suka eka hina.”

Nhlavutelo 22:19

Kutani loko un'wana a hunguta timhaka tin'wana ta buku ya vuprofeta lebyi, Xikwembu xi ta hunguta ku averiwa ka yena emurhini wa vutomi, ni le mutini lowo kwetsima, swi nga leswi tsariweke ebukwini leyi.

Nhlavutelo 21:2

Ndzi vona ni muti lowo kwetsima, Yerusalema lowuntshwa, lowu xikaka hi le tilweni eka Xikwembu, wu tilunghisile kukota mutekiwa la tibombiseleke nuna wa yena.

Nhlavutelo 11:2

Kambe loko ri ri rivala leri nga ehandle ka tempele, u ri siya u nga ri pimi, hikuva ri nyikiwile vamatiko; kutani va ta kandziyela muti lowo kwetsima hi tin'hweti ta mune wa makume na timbirhi.

Matewu 4:5

Kutani Diyavulosi a n'wi yisa emutini lowu hlawuriweke, a n'wi veka exihlungweni xa tempele,

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Esaya 51:13

u va u rivala Yehovha, Muvumbi wa wena, la andlaleke matilo, a tiyiseke ni misava. Kasi u chava hi mikarhi hinkwayo, ni siku hinkwaro, vukari bya muxanisi, loko a rhandza ku ku lovisa? Vukari byi kwihi bya muxanisi?

Esaya 47:4

Mukutsuri wa hina u thyiwa Yehovha wa mavandla Muhlawuleki wa Israele!

Pisalema 87:3

Timhaka to kwetsima ti vuriwile ehenhla ka wena, Muti wa Xikwembu!

Pisalema 48:1

Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

Nehemiya 11:18

Hinkwavo Valevhi lava akeke emutini lowo kwetsima, a va ri 284.

Nehemiya 11:1

Tihosana ta tiko, tona, a ti akile eYerusalema; loko va ri van'wana va tiko va hlawuriwa hi vuhlolotwana leswaku exikarhi ka lava khume, un'wana a ta aka eYerusalema, emutini lowo kwetsima, lava ntlhanu na mune va aka emitini.

Vaavanyisi 17:13

Mika a ku: “Sweswi, ndza swi tiva leswaku Yehovha u ta ndzi katekisa hikuva ndzi ni muprista wa Mulevhi.”

Yeremiya 44:26

Hikwalaho yingisani rito ra Yehovha, n'wina Vayuda hinkwenu, lava mi akeke etikweni ra Egipta: Maswivo ndzi hlambanya hi vito ra mina lerikulu, ku vula Yehovha, leswaku vito ra mina ri nga ha khongeriwi etikweni hinkwaro ra Egipta hi munhu ni un'we wa Yuda la nga ku: ‘Hosi Yehovha wa hanya!’

Esaya 51:15

Mina Yehovha, ndzi Xikwembu xa wena, lexi tlakusaka lwandle, magandlati ya rona ma boboma; Yehovha wa tinyimpi i vito ra yena.