Esaya 44:2 - Xitsonga (Bibele)

² ku vula Yehovha la ku endleke, la ku vumbeke ekhwirini ra mana wa wena, mupfuni wa wena: U nga chavi nchumu, nandza wa mina, Yakobo, Yexuruni wa mina, loyi ndzi n'wi hlawuleke.

BIBELE Mahungu Lamanene

² Hi mina HOSI, loyi a mi endleke; mina muvumbi wa n'wina, ndzi mi pfunile ku sukela loko mi vile kona. Hikokwalaho n'wina va ka Yakobo malandza ya mina, mi nga chavi, ndzi mi hlawurile n'wina va ka Yexuruni.

Esaya 44:2 Referans Kwoze

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Esaya 44:24

U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

Esaya 43:7

hinkwavo lava thyiweke hi vito ra mina vona lava ndzi va endleleke ku vonakala ka mina, lava ndzi va vumbeke, lava ndzi va endleke!”

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Varhoma 8:30

Kutani lava xi va hlawuleke eku sunguleni, xi engetile xi va vitana; kutani lava xi va vitaneke xi engete xi va khanisa kutani lava xi va khaniseke, xi vuya xi va dzunisa.

Pisalema 71:6

Ku suka ekhwirini ra manana, ndzi tiseketele eka wena; Hi wena la ndzi humeseke ekhwirini ra manana; Ndzi ta ku tlangela hi masiku.

Esaya 43:21

Tiko leri ndzi tiendleleke rona ri ta vula ku dzuneka ka mina.

1 Vatesalonika 1:4

hi ri karhi hi tiva, vamakwerhu lava rhandziwaka hi Xikwembu, ku hlawuriwa ka n'wina.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

Esaya 44:21

“Anakanya timhaka leti, wena Yakobo, na wena Israele! Hikuva u nandza wa mina, ndzi ku vumbile, u nandza wa mina, wena Israele, a ndzi nga ku rivali.

Pisalema 46:5

Xikwembu xi le xikarhi ka wona, a wu tsekatsekisiwi; Xikwembu xi wu pfuna wa ha ri mixo.

Esaya 43:5

U nga chavi hikuva ndzi na wena, ndzi ta vuyisa rixaka ra wena ri huma evuxeni, ndzi ri hlengeleta ri huma evupeladyambu.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Duteronoma 33:5

A a ri hosi ya Yexuruni (Israele). Siku tihosi ta tiko ti hlengeletene Ni tinyimba ta Israele.

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Esaya 41:8

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Esaya 45:11

Ku vula sweswo Yehovha, Muhlawuriwa wa Israele ni mutumbuluxi wa yena: ‘Xana va ta ndzi vutisa leswi nga ta ta? Xana mi ta ndzi lerisa swa vana va mina ni swa ntirho wa mavoko ya mina?

Esaya 49:5

Kutani sweswi Yehovha wa vulavula, yena la ndzi vumbeke ndza ha ri ekhwirini ra manana leswaku ndzi ta va nandza wa yena, ndzi n'wi vuyisela Yakobo, ndzi n'wi hlengeletela Israele. Hikuva ndza chaviseka emahlweni ka Yehovha, kutani matimba ya mina i Xikwembu xa mina.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,