Esaya 43:3 - Xitsonga (Bibele)

³ Hikuva hi mina Yehovha, Xikwembu xa wena, Muhlawuleki wa Israele, muponisi wa wena; ndzi ku nyika Egipta ku va ku kutsuriwa ka wena, Etiyopiya na Seba ematshan'weni ya wena.

BIBELE Mahungu Lamanene

³ hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

Esaya 43:3 Referans Kwoze

Esaya 60:16

U ta an'wa mafi ya matiko, u ta an'wa vele ra tihosi; kutani u ta tiva leswaku mina Yehovha, ndzi muponisi wa wena, ni leswaku Lowa matimba wa Yakobo, i mukutsuri wa wena.

Esaya 45:15

Hakunene, u Xikwembu lexi tifihlaka, Xikwembu xa Israele, wena Muponisi!

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Swivuriso 21:18

Lowo biha i nkutsulo lowu humeseriwaka lonene Ni mbabva i nkutsulo wa lowo lulama.

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Esaya 30:11

Hambukani ndlela hi le tlhelweni, tshikani ku veka Mukwetsimi wa Israele emahlweni ka hina!”

Swivuriso 11:8

Lowo lulama u lweriwa emakhombyeni, Lowo biha u nghena kona ematshan'weni ya yena.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 20:3

Kutani Yehovha a ku: “Tanihi leswi nandza wa mina Esaya a fambaka a tshunxile a nga ri na tintanghu hi malembe manharhu, xi ta va xikombiso ni masingita eka Egipta na Etiyopiya;

Eksoda 10:7

Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Genesa 10:7

Vana va Kuxi: Seba, Havhila, Sabita, Rhama, Sabiteka. Vana va Rhama: Xeba na Dedani.

Levhitika 11:44

Hikuva hi mina Yehovha, Xikwembu xa n'wina; mi ta tihlawula, mi va lava hlawuriweke, hikuva ndzi hlawulekile; mi nga tshuki mi yirisa miri ya n'wina hi xin'wana xa leswi kokovaka la emisaveni.

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Esaya 19:20

Xi ta va xikombiso ni vumbhoni eka Yehovha wa tinyimpi etikweni ra Egipta; hikuva kutakuloko va huwelela eka Yehovha hikwalaho ka vaxanisi va vona, u ta va rhumela muponisi ni mulweri la nga ta va lwela.

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.

Esaya 43:11

“Hi mina, mina Yehovha ehandle ka mina a ku na muponisi!

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Esaya 63:8

U vurile, a ku: “Kunene tiko ranga hi vona, vana lava nga ka va nga ndzi xisi!” Kutani a a ri muponisi wa vona.

Yeremiya 14:8

Wena tshembo ra Israele, muhanyisi wa yena hi siku ra khombo, xana u ta fana ni wamatiko etikweni, kumbe kukotisa muendzi la hambukaka ku xwa vusiku byin'we ntsena xana?

Yeremiya 16:21

“Hikwalaho-ke, langutani sweswi ndzi ta va tivisa voko ra mina ni matimba ya mina, kambe ndza ha ta va tivisa swona; kutani va ta tiva leswaku vito ra mina i Yehovha.”

Ezekiele 39:7

Hilaha ndzi nga ta tivisa vito ra mina ro kwetsima exikarhi ka tiko ra mina ra Israele, ndzi nga ka ndzi nga pfumeri vito ra mina ro kwetsima ri onhiwa, matiko ma ta tiva leswaku hi mina Yehovha, la kwetsimeke eIsraeleni.

Amosi 9:7

“Xana eka mina a mi fani na vana va Kuxi, n'wina, vana va Israele?” ku vula Yehovha. “Xana a ndzi humesanga Israele etikweni ra Egipta, kukota loko ndzi humesile Vafilista eKafitoro, ni Vasiriya eKiri?

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.