Esaya 42:4 - Xitsonga (Bibele)

⁴ A nga ka a nga heri mbilu ni ku karhala, a ko a tiyisa leswo lulama emisaveni, kutani swihlale swi va swi titshembisa enawini wa yena.”

BIBELE Mahungu Lamanene

⁴ A nga ka a nga heli matimba a lan'wa; ú ta kondza a tisa ku lulama emisaveni. Vanhu va matiko ya le kule va le ku languteleni ka leswi a nga ta va dyondzisa swona.”

Esaya 42:4 Referans Kwoze

Esaya 55:5

Waswivo, u ta Vitana tiko leri u nga ri tivangiki, kutani matiko lama nga ku tivangiki, ma ta tsutsumela eka wena, hikwalaho ka Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Matewu 12:21

kutani vamatiko va ta tshemba vito ra yena.”

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Esaya 60:9

Hikuva swihlale swi ta langutela mina, kutani tingalava ta Tarxixi ti ta rhanga ti ta ku vuyisa vana va wena hi le kule swin'we ni silivhere ya vona, ni nsuku wa vona, hi vito ra Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Esaya 42:12

A ku dzunisiwe Yehovha, a ku vuriwe eswihlaleni ku dzuneka ka yena!

1 Vakorinto 9:21

eka lava nga riki enawini, ndzi tiendle la nga riki enawini, leswaku ndzi ta nghenisa lava nga riki enawini, (hambi ndzi nga ri loyi a nga riki na nawu eka Xikwembu), kasi ndzi le nawini wa Kriste.

Varhoma 16:26

kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

Esaya 41:5

Swihlale swi n'wi vona, swi ri karhi swi chava, makumu ya misava ma rhurhumela; va tshinelela, va ta,

Esaya 40:28

A ku swi tivi xana? A ku swi twanga xana? I Xikwembu lexi nga heriki, yena Yehovha la tumbuluxeke makumu ya misava; a nga karhali, a nga heri matimba, a nga kona la kambeke vutlhari bya yena.

Esaya 42:10

Yimbelelani Yehovha risimu lerintshwa, yimbani swidzuniso swa yena emakun'wini ya misava, n'wina mi fambaka elwandle, na n'wina mi hanyaka eka rona, n'wina swihlale ni vaaki va swona.

Esaya 42:21

Yehovha u rhandzile ku katekisa Israele, kutani a va vekela nawu lowukulu ni lowu dzunekaka.

Esaya 51:4

“Yingisa, wena, tiko ranga, na n'wina vanhu vanga, mi ndzi rhiyela tindleve, hikuva nawu wu ta huma eka mina; ndzi ta tiyisa milawu ya mina ku voninga matiko.

Esaya 51:5

Ku lulama ka mina ku kusuhi, ku ponisa ka mina ku ta humelela, kutani voko ra mina ri ta avanyisa matiko; swihlale swi ta ndzi tshemba, swi ta tshemba voko ra mina.

Esaya 40:22

Hi yena la tshameke empfhukeni, ehenhla ka xirhendzevutana xa misava, kutani vaaki va yona va fana ni tinjiya. U andlala matilo tanihi nguvu leyo vevuka, u ma andlala tanihi tende a ma endla vuako bya yena.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Marka 3:3

Kavaloko Yesu a ku eka munhu la khwanyaleke voko: “Suka, u yima la xikarhi.”