Esaya 42:1 - Xitsonga (Bibele)

¹ “Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

BIBELE Mahungu Lamanene

¹ HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Esaya 42:1 Referans Kwoze

Luka 3:22

kutani Moya lowo Kwetsima wu xikela ehenhla ka yena wu fana ni tuva hi xivumbeko lexi vonakalaka: kutani rito ri huma etilweni, ri ku: “U N'wana wa mina la rhandziwaka, loyi ndzi tsakisiwaka ha yena.”

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Esaya 52:13

Vonani, nandza wa mina u ta kateka, u ta kula, u ta dzunisiwa, u ta tlakusiwa ehenhla!

Vafilipiya 2:7

kambe u tithangurile hi ku teka xiyimo xa nandza, a tiendla la fanaka ni vanhu;

Esaya 43:10

“Mi timbhoni ta mina,” ku vula Yehovha, “N'wina ni nandza wa mina loyi ndzi n'wi hlawuleke, hileswaku mi ta swi tiva, mi ndzi pfumela, mi va mi swi twa leswaku hi mina: Emahlweni ka mina a ku nga si va na xikwembu lexi endliweke, endzhaku ka mina ku nga ka ku nga vi na xin'wana.

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

1 Petro 2:4

Hi yena loyi, loko mi n'wi tshinelele, ri nga ribye leri hanyaka, leri nga cukumetiwa hi vanhu, kambe eka Xikwembu, ri nga leri hlawuriweke, leri pfumariwaka;

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Esaya 41:8

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

Vakolosa 1:13

kutani u hi humesile ematimbeni ya munyama, a hi nghenisa eku fumeni ka N'wana wa yena la rhandziwaka,

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

1 Petro 2:6

Hikwalaho, ku tsariwile Matsalweni leswaku: “Vonani, ndzi yimisa eSiyoni ribye ra yinhla, leri hlawuriweke, leri pfumariwaka; la pfumelaka eka rona, a nga ka a nga khomiwi hi tingana.”

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Luka 9:35

Kutani rito ri huma epapeni, ri ku: “Hi loyi N'wananga, loyi ndzi n'wi rhandzhaka; n'wi yingiseni.”

Zakariya 3:8

Twana-ke, Yoxuwa, muprista lonkulu, wena ni vamakwenu lava tshameke ka wena! Kunene mi vavanuna lava nga ta va swikombiso, hikuva ndzi ta tisa nandza wanga, Xihluke.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Esaya 32:16

Hilaha ku lulama ku nga ta tiakela emananga, vunene byi ta tshama byi ri kona entangeni.

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Luka 4:19

ku byela lava bohiweke leswaku va ta tshunxiwa ni lavo fa mahlo leswaku va ta tlhela va vona, ku nyika lava xanisiwaka nkarhi wa ku tifambela, ni ku vula lembe lerinene ra Hosi.”

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Esaya 41:9

Ndzi ku tekile emakun'wini ya misava, ndzi ku vitanile etikweni leri nga ekule, ndzi ku byerile, ndzi ku: ‘U nandza wa mina,’ ndzi ku hlawurile, a ndzi ku nyenyanga!

Esaya 42:2

A nga ka a nga huweleri, a nga ka a nga tlakusi rito, a nga ka a nga ri twakarisi emitsendzeleni.

Hagayi 2:23

Esikwini lero, ku vula Yehovha wa mavandla, ndzi ta ku teka, wena Zerubabele, n'wana Salatiele, nandza wa mina, ku vula Yehovha, kutani ndzi ta ku endla u kotisa xingwavila xa mfungho, hikuva ndzi ku hlawurile, ku vula Yehovha wa mavandla.’ ”

Pisalema 72:4

Yi ta avanyisa timhaka ta swisiwana swa tiko hi ku lulama, Yi ta ponisa vana va mupfumari, Kambe yi ta phyandlasa muxanisi.

Pisalema 89:4

Ndzi ku: ‘Ndzi ta tiyisa rixaka ra wena hi masiku ni masiku, Ndzi ta tiyisa xiluvelo xa wena hi laha ku nga heriki.’ ”

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”