Esaya 41:18 - Xitsonga (Bibele)

¹⁸ Ndzi ta pfelerisa milambu emitsungeni, ni miseledyana exikarhi ka mikova, ndzi ta hundzula mananga tiva, ni misava leyi omeke mati lama khulukaka.

BIBELE Mahungu Lamanene

¹⁸ Ndzi ta boxa milambu ya mati eswitsungeni leswi omeke, ndzi boxa ni swihlovo eminkoveni; mananga ndzi ta ma hundzula swidziva, ndzi khulukisa ni swinambyana emakwandzasini.

Esaya 41:18 Referans Kwoze

Pisalema 107:35

U hundzule mananga tiko ra mati, Ni misava ya ku oma swihlovo swa mati.

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Esaya 30:25

Kutani ehenhla ka ntshava yin'wana ni yin'wana leyi leheke, ni le henhla ka ntsunga wun'wana ni wun'wana lowu tlakukeke, milambyana ya mati lama khulukaka yi ta va kona siku ra ku dlawa lokukulu siku makhokholo ma waka.

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Zakariya 14:8

Esikwini rolero, mati lama pfelelaka ma ta huma eYerusalema, man'wana ya wona ma khulukela elwandle ra le vuxeni, man'wana elwandle ra le vupeladyambu; swi tshama swi va tano rihunga ni vuxika.

Yuwele 3:18

“Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Esaya 12:3

“Mi ta tikela mati hi ku tsaka eswihlobyeni swa ku hlayiseka,” kutani hi siku rero mi ta ku:

Esaya 48:21

vona lava a va fambiseke emananga a va twangi torha, u va khulukisele mati ya ribye, u pandzerile ribye, kutani mati ma hume hi matimba!

Pisalema 105:41

A handzula ribye, kutani mati ma pfelela, Ma khuluka hi maboboma exikarhi ka mananga.

Pisalema 46:4

Wu kona nambu lowu mikhovotlo ya wona yi tsakisaka muti wa Xikwembu, Vukwetsimelo bya tindlu ta La nge henhlahenhla.

Pisalema 104:10

Hi yena a pfelerisaka miseledyana emikoveni; Mati ya yona ma khiringa exikarhi ka tintshava;

Esaya 33:21

Hikuva kona Yehovha i Mukwetsimi eka hina; u fana ni milambu, ni mativa lamakulu eka hina, laha ku nga ngheniki mabyatso lama tlutiwaka laha ku nga fikiki ngalava ni yin'we.

Esaya 35:1

Tiko ra ntlhohe ri ta tsaka, ni tiko leri omeke; makwandzasi ma ta tsakisisa, ma rhumbuka kukota khon'wa!

Esaya 65:13

Hikwalaho Hosi Yehovha u vulavula sweswo, a ku: “Maswivo, malandza ya mina ma ta dya, kambe n'wina mi ta va ni ndlala; maswivo, malandza ya mina ma ta nwa, kambe n'wina mi ta va ni torha; maswivo, malandza ya mina ma ta tsaka, kambe n'wina mi ta va ni tingana;

Vaavanyisi 15:19

Kutani Xikwembu xi handzula ribye ra Lehi, ri va khele, mati ma huma eka rona; a nwa, kutani a pfuneka, mbilu ya yena yi tlhelela evutshan'weni bya yona. Hikwalaho ku thyiweke vito ra kona Eni-Hakori (xihlovo xa la huwelelaka), xi kona eLehi ni namuntlha.

Pisalema 126:4

Yehovha, vuyisa vakhomiwa va hina, Kukotisa milambu ya le dzongeni.