Esaya 4:6 - Xitsonga (Bibele)

⁶ Hikuva xisirhelo xi ta funengeta ku vangama hinkwako; kutani ku ta va ni ntsonga lowu sirhelelaka ku hisa ka dyambu ninhlekanhi ni xichavelo ni xisirhelo eka xidzedze ni mpfula.

BIBELE Mahungu Lamanene

⁶ Loko ku hisa ninhlekanhi, vanhu va ta kuma ndzhuti lowu va nga ta wisa eka wona; ni loko ku ta swidzedze ni timpfula, va ta kuma ko tsutsumela kona, va ya tumbela.

Esaya 4:6 Referans Kwoze

Esaya 25:4

Hikuva u xichavelo xa lava tsaneke, ni xichavelo xa xisiwana emapfalweni ya xona, ni xisirhelo hi siku ra xidzedze, ni ndzhuti loko dyambu ri hisa, hikuva moya wa vaxanisi wu kotisa xidzedze lexi solovanyaka khumbi.

Pisalema 27:5

Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Esaya 8:14

Eka tindlu letimbirhi ta Israele u ta va vukwetsimelo, ni ribye leri khunguvanyisaka, ni ribye leri va khudlunyaka; kambe eka lava akeke eYerusalema, u ta va vurimba ni ntlhamu.

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Nhlavutelo 7:16

Va nga ka va nga ha twi ndlala, hambi ku ri ku khomiwa hi torha; va nga ka va nga ha hisiwi hi dyambu, hambi ku ri ku hisa kun'wana,

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Ezekiele 11:16

“Hikwalaho vula u ku: ‘Ku vula Hosi Yehovha: Kunene ndzi va hangalasile exikarhi ka matiko, ndzi va hangalasile ematikweni man'wana, kambe ndzi ta va xichavelo xa vona nkarhinyana ematikweni laha va nga kona.’

Pisalema 55:8

A ndzi ta phonyoka hi ku hatlisa. Ndzi rhangela matsamba ya mheho leyi hungaka, ni ya xidzedze.”

Esaya 14:32

Va ta ku yini ka lava rhumiweke hi tiko? Va ta ku: “Yehovha u akile masungulo ya Siyoni, kutani lava khombo va tiko ra yena va chavela kona.”

Esaya 32:1

Vonani, hosi yi ta fuma hi ku lulama, tihosana, na tona, ti ta risa hi ku lulama.

Esaya 30:30

Kutani Yehovha u ta twakarisa rito ra yena lerikulu, a komba ku xungeta ka voko ra yena lero leva ni ku kariha ni ndzilo wa langavi leri hisaka, ni xidzedze, ni mpfula leyikulu, ni maribye ya xihangu.