Esaya 34:3 - Xitsonga (Bibele)

³ Lava tlhaviweke va vona va cukumetiwa ntsena, mitsumbu ya vona ya nun'hwa, kutani ngati ya vona yi khuluka etintshaveni.

BIBELE Mahungu Lamanene

³ Loko va ta va va dlayiwile, a va nga lahliwi, mintsumbu ya vona yi ta bola, risema ri twala hinkwako, tintshava ti ta khuluka hi ngati ya vona.

Esaya 34:3 Referans Kwoze

Yuwele 2:20

“Loko xi ri xirha xexo lexi humaka etlhelo ra n'walungu, ndzi ta xi susa exikarhi ka n'wina, ndzi xi hlongolela etikweni leri omeke; mavandla ya xona lama xi rhangelaka emahlweni, ndzi ta ma hoxa elwandle ra le vuxeni, ni ya le ndzhaku ndzi ma susumetela elwandle ra le vupeladyambu; kutani ku nun'hwa ka xona ku ta humela ehandle ku bola ka xona ku ta hangalaka, hikuva xi endle leswikulu.

Ezekiele 39:4

U ta wa ehenhla ka tintshava ta Israele, wena, ni mitlawa ya wena hinkwayo, ni matiko lama nga ta va na wena; ndzi ku nyikile leswaku u dyiwa hi magama, ni tinyanyana ta tinxakaxaka, ni swivandza swa nhova.

Esaya 34:7

Tinyarhi, ni tinkunzi, ni tihavi ti wa na tona kutani tiko ri ta cheleriwa hi ngati, ni misava yi ta nyuka hi mafurha.

Nhlavutelo 14:20

Kutani xikhuvuto xi khuvuteriwa ehandle ka muti; ku huma ngati exikhuvutweni ku fikela ematon'weni ya tihanci, hi mpfhuka wa tistadiya ta 1 600.

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Ezekiele 39:11

“Hi siku rero, ndzi ta nyika Gogo xivandla xo lahla vafi eIsraeleni, wu nga nkova wa vahundzi, tlhelo ra vuxa eka lwandle, sirha leri ri ta siva ndlela ya vahundzi; va ta lahla kona Gogo ni ntshungu wa yena hinkwawo, va ta thya vito ra kona Hamona-Gogo, (hileswaku ntshungu wa Gogo).

Ezekiele 38:22

“Hilaha ndzi nga ta tenga na yena hi ntungu ni ngati, ndzi ta nisa mpfula leyikulu, ni maribye, ni ndzilo, ni xivavula ehenhla ka yena, ehenhla ka mitlawa ya yena, ni le henhla ka matiko lamanyingi lama nga ta va na yena.

Ezekiele 35:6

Hikwalaho ndza hanya, ku vula Hosi, Yehovha ndzi ta ku lunghisela ngati kutani ngati yi ta ku landzela:

Ezekiele 14:19

“Loko ngi ndzi rhuma ntungu etikweni leri, ni loko ndzi halata vukari bya mina lebyi halataka ngati ku susa vanhu ni swifuwo,

Yeremiya 22:19

U ta lahliwa, kukotisa mbhongolo, a kokiwa, a cukumetiwa ehandle ka tinyangwa ta Yerusalema.”

Esaya 10:4

A ku salanga nchumu loko ku nga ri ku tsongahatiwa exikarhi ka lava bohiweke, kumbe ku wa exikarhi ka lava dlayiweke. Hambiswiritano, vukari bya yena a byi tlhelanga, ni voko ra yena ra ha tshambulutiwile.

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

Yeremiya 25:33

Esikwini rolero, lava tlhaviweke hi Yehovha va ta va kona, ku suka emakun'wini man'wana ya misava ku ya fika emakun'wini man'wana ya misava, a va nga rileriwi, va nga hlengeletiwi, va nga lahliwi; va ta va vulongo ehenhla ka misava.

Nahume 3:3

Vakhandziyi va nyiketa, savula ra hatima, fumu ra hatima, lava tlhaviweke hi lavanyingi — i tinyandzanyandza ta lava dlaweke, a ku na laha mitsumbu yi helaka kona — va khunguvanyeka hi mitsumbu leyi feke!

Ezekiele 32:4

Kutani ndzi ta ku tshika ehenhla ka misava, ndzi ku cukumeta etikweni, ndzi akisa tinyanyana ta tilo hinkwato ehenhla ka wena, ndzi xurhisa swivandza swa tiko hinkwaro ha wena.