Esaya 34:1 - Xitsonga (Bibele)

¹ Tshinelani, n'wina matiko mi ta yingisa! N'wina vanhu yingiselani! Misava a yi yingise ni swa yona hinkwaswo; misava, ni leswi humaka eka yona hinkwaswo!

BIBELE Mahungu Lamanene

¹ N'wina vanhu va matiko hinkwawo, tshinelani kusuhi, rhiyani ndleve, mi yingisa! We misava yingisa, ni hinkwaswo leswi nga ka wena, rhiya ndleve we ntumbuluko, ni hinkwaswo leswi hanyaka eka wena.

Esaya 34:1 Referans Kwoze

1 Vakorinto 10:26

hikuva “misava i ya Hosi, ni ku tala ka yona?”

Esaya 43:9

Matiko hinkwawo a ma hlengeletane kun'we, kutani tinxaka ta vanhu a ti hlangane! I mani exikarhi ka vona la bvumbheke timhaka leti? I mani la hi twiseke leswi bvumbhiweke eku sunguleni xana? A va humese timbhoni ta vona, va kombisa ku lulama ka vona! Vanhu a va yingise va ku: “Hi swona!”

Esaya 41:1

“N'wina swihlale, miyelani, mi ndzi yingisa! Matiko a ma ve ni matimba lamantshwa, a ma tshinele, ma vulavula! A hi fambeni swin'we hi ya ehubyeni.

Esaya 1:2

Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Yeremiya 22:29

Yahe! Tiko, tiko, tiko, yingisela rito ra Yehovha!

Esaya 33:13

N'wina matiko ya le kule, yingisani lexi ndzi xi endleke, na n'wina va le kusuhi, tsundzukani matimba ya mina!

Duteronoma 32:1

“N'wina matilo! Yingisani, ndzi ta vulavula; Na wena misava! Yingisa marito ya nomu wa mina!

Nhlavutelo 2:7

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula ndzi ta n'wi nyika ku dya murhi wa ku hanya, lowu nga exikarhi ka Paradeyisi ya Xikwembu.’

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

Esaya 18:3

N'wina hinkwenu lava akeke ematikweni hinkwawo, na n'wina vanhu va misava, kutakuloko mujeko wu yimisiwe ehenhla ka tintshava, langutani! Kutakuloko nanga yi yimbiwa, mi yingisela!

Pisalema 96:10

Vulani xikarhi ka matiko, mi ku: “Yehovha wa fuma. Na yona misava yi tiyile, a yi tsekatseki; Yehovha u ta avanyisa matiko hi ku lulama.”

Pisalema 50:1

Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

Pisalema 24:1

Misava i ya Yehovha, ni leswi nga eka yona, Misava ni lava akeke eka yona.

Vaavanyisi 5:31

“Oho! Yehovha! Valala hinkwavo va wena a va lovisiwe sweswo! Loko, va ri lava ku rhandzaka, va ta fana ni dyambu, Loko ri tsuvuka ematimbeni ya rona.” Kutani tiko ri etlela hi malembe ya mune wa makume.

Vaavanyisi 5:3

Yingisani, n'wina tihosi, mi rhiya tindleve, n'wina tihosana! Hi mina, hi mina, ndzi ta yimbelela Yehovha, Ndzi ta yimbelela Yehovha, Xikwembu xa Israele!

Duteronoma 4:26

ndzi vitana namuntlha tilo ni misava, ti va timbhoni ta n'wina leswaku mi ta fa hi ku hatlisa etikweni leri mi nga ta ri fuma loko mi perile Yordani; masiku ya n'wina ma nga ka ma nga lehi kona, hikuva mi ta herisiwa kunene.

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

Esaya 48:16

“Ndzi tshineleleni, yingisani! Mpfhuka eku sunguleni, a ndzi vulavulangi exihundleni, loko swilo leswi swi humelela a ndzi ri kona,” kutani sweswi Yehovha Xikwembu u ndzi rhuma ndzi ri ni moya wa yena.

Ezekiele 38:17

“Hosi Yehovha a vulavula sweswo, a ku: Xana a hi wena loyi ndzi n'wi vuleke emikarhini ya khale, hi nomu wa malandza ya mina, vaprofeta va Israele, lava nga profeta emasikwini lawa hi malembe yo tala, va ku: Ndzi ta ku rhuma ku lwa na vona?

Obadiya 1:1

Hosi Yehovha u vulavula sweswo ehenhla ka Edomu, u ri: Hi twe mhaka leyi pfaka eka Yehovha, kutani murhumiwa u rhumiwe exikarhi ka matiko, u ri: “Pfukani, a hi pfukeni hi n'wi hlomela!”

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Yeremiya 49:7

Ku vula Yehovha wa tinyimpi: “Xana a ka ha tlharihanga eTemani? Xana miehleketo yi lahlekile eka vatsundzuxi-ke? Xana vutlhari bya vona byi herile?