Esaya 32:3 - Xitsonga (Bibele)

³ Mahlo ya lava vonaka ma nga ha siveriwi, ni tindleve ta lava yingisaka ti ta yingisela.

BIBELE Mahungu Lamanene

³ Lava vonaka va nga ka va nga ha pfali mahlo ya vona, ni lava twaka va nga ka va nga ha tisivi tindleve.

Esaya 32:3 Referans Kwoze

Esaya 29:18

Hi siku lero lava feke tindleve va ta yingisa timhaka ta Buku; kutani mahlo lama feke ma ta boxa vusiku ni munyama wa byona.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Marka 7:37

Kutani va hlamala ngopfu, va ku: “U endlile hinkwaswo swinene, u twisa lava nga twiki, u vulavurisa lava nga vulavuriki.”

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Esaya 29:24

Kutani lava moya wa vona ingi wu hambukile va ta dyondza vutlhari, ni lava nga kaneta, va ta amukela dyondzo.”

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Esaya 30:26

N'weti wa n'weti wu ta fana ni ku vonakala ka dyambu, ku vonakala ka dyambu ku ta engeteriwa kantlhanu na kambirhi, kukotisa masiku ya ntlhanu na mambirhi, hi siku Yehovha a nga ta ntshuxa mbanga ya tiko ra yena, a horisa mipfembeti ya ku biwa ka yena.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.