Esaya 32:2 - Xitsonga (Bibele)

² Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

BIBELE Mahungu Lamanene

² Varhangeri lava hinkwavo va ta fana ni xivava xo sivela moya, ni ndhawu yo tumbela ka yona sikwini ra xidzedze; va ta fana ni swinambyana swa mati endhawini leyi omeke, ni ndzhuti wa ribye lerikulu etikweni ra mumu.

Esaya 32:2 Referans Kwoze

Esaya 25:4

Hikuva u xichavelo xa lava tsaneke, ni xichavelo xa xisiwana emapfalweni ya xona, ni xisirhelo hi siku ra xidzedze, ni ndzhuti loko dyambu ri hisa, hikuva moya wa vaxanisi wu kotisa xidzedze lexi solovanyaka khumbi.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Esaya 43:20

Swiharhi swa nhova swi ta ndzi dzunisa, vahlati ni tiyimbhu, hikuva ndzi ta va ndzi vekile mati emananga; ni milambu enhoveni, ku nwisa tiko ra mina, a nga muhlawuriwa wa mina.

Esaya 41:18

Ndzi ta pfelerisa milambu emitsungeni, ni miseledyana exikarhi ka mikova, ndzi ta hundzula mananga tiva, ni misava leyi omeke mati lama khulukaka.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Pisalema 143:9

Yehovha, ndzi kutsule ka valala va mina! Ndzi chavela eka wena.

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Yohane 7:37

Hi siku ra ku hetelela ka nkhuvo, ri nga lerikulu, Yesu a a yimile, kutani a huwelela, a ku: “Kungakuloko munhu a ri ni torha, a a te eka mina, a nwa.

Esaya 28:17

“Ndzi ta teka mfanelo ndzi yi endla xipimo, ni ku lulama ndzi ku endla xiringaniso, kutani xihangu xi ta kukula xichavelo xa vunwa, ni mati ma ta kukuleta xisirhelo xa n'wina.

Pisalema 63:1

Oho Xikwembu! U Xikwembu xanga, ndza ku lava, Moya wanga wu ni torha ra wena, nyama ya mina yi ku navela hi mahika, Etikweni leri ra ku oma, ra mananga leri nga riki na mati.

Pisalema 32:7

U xichavelo xa mina; u ndzi sivelela maxangu; U ta ndzi rhendzela hi tinsimu ta ku hlayiseka.

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 16:3

“Hi tsundzuxe, hi lamule, hi nyike enhlekanhini munyama wa vusiku; fihla vachavi, u nga nyiketi vabaleki!

Esaya 43:19

Vonani, ndzi ta endla xilo lexintshwa, lexi nga ta humelela sweswi; xana mi nga ka mi nga xi tivi? Ndzi ta endla ndlela emananga, ni milambu enhoveni.

Yeremiya 33:14

“Vona, ku vula Yehovha, ma ta masiku lawa ndzi nga ta hetisa rito ra vunene leri ndzi ri vuleke hikwalaho ka yindlu ya Israele, ni hikwalaho ka yindlu ya Yuda.

Swirilo 4:20

Loyi a nga va ku hefemula ka hina, a ri muhlawuriwa wa Yehovha, U phasiwile erindzini ra vona, A ri loyi, a hi ku: “Hi ta hanya endzhutini wa yena exikarhi ka matiko.”