Esaya 3:7 - Xitsonga (Bibele)

⁷ Siku rero u ta hlamula, a ku: “A ndzi swi rhandzi ku va n'anga; a ndzi na vuswa endlwini ya mina, hambi yi ri nguvu; mi nga ka mi nga ndzi veki hosi ya tiko!”

BIBELE Mahungu Lamanene

⁷ Kutani yena ú ta hlamula a ku: “Ndzi nge swi koti ku va n'anga; emutini wa mina, swakudya kumbe swiambalo ku hava; mi nga ndzi endli murhangeri wa tiko!”

Esaya 3:7 Referans Kwoze

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Ezekiele 34:4

Tinyimpfu leti tsaneke, a mi ti tiyisanga, a mi hanyisanga leyi vabyaka, a mi bohelelanga leya mbanga, a mi landzanga leyi tlheleke, ni loko ku ri ku lava leyi lahlekeke; kambe mi ti fume hi matimba ni ku xanisa.

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Yeremiya 14:19

Xana Yuda, u n'wi tshikele makumu, kumbe mbilu ya wena yi korwile hi Siyoni xana? U hi bele yini, ku nga ri na ku hanyisiwa xana? Hi langutele ku rhula, kambe a hi voni ku rhula; ni nkarhi wa ku horisiwa, kambe ku chavisa ku kona.

Esaya 58:12

Vanhu va wena va ta tlhela va pfuxa marhumbi ya khale; u ta aka masungulo lama nga vekiwa emikarhini ya khale; kutani u ta vuriwa mupfuxi wa swipetlu, mululamisi wa tindlela ku akisa vanhu etikweni.

Duteronoma 32:40

Hikuva ndzi tlakusa voko ra mina etilweni, Ndzi ku: ‘Ndzi loyi a hanyaka hi masiku:

Genesa 14:22

Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

Yuwele 1:16

Xana swakudya a swi vutliwanga emahlweni ya hina? Ku tsaka ni mikulungwana a swi herisiwanga endlwini ya Xikwembu xa n'wina xana?