Esaya 27:1 - Xitsonga (Bibele)

¹ Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.

BIBELE Mahungu Lamanene

¹ Enkarhini wolowo, HOSI Xikwembu xi ta teka fumu ra xona lero nonon'hwa, rona lerikulu ra matimba, xi ba Levhiyatani nyoka leya rivilo, leyo tshombonyoka-tshombonyoka; xi ta dlaya na dragona nyoka ya le lwandle.

Esaya 27:1 Referans Kwoze

Ezekiele 29:3

Vulavula, u ku: Hosi Yehovha u ri: Vona, Faro, ndzi le ka wena, hosi ya Egipta, ngwenya leyikulu leyi etlelaka emilambyeni ya yona, leyi vuleke leswaku: ‘Nambu wa mina i wa mina, hi mina ndzi tiendleleke wona!’

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Nhlavutelo 12:3

Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi.

Esaya 66:16

Hikuva Yehovha u yimisa ku lulama ka yena hi ndzilo, u laya nyama hinkwayo hi tlhari kutani lava Yehovha a nga ta va dlaya, va ta tala ngopfu.

Pisalema 104:26

Hi laha tingalava ti fambaka kona, Na yona Levhiyatani leyi u yi vumbeke Leswaku yi titlangela kona.

Ntirho 26:13

Ku huhutela ka xona ku xisa ehenhla. Voko ra xona ri tlhava nyoka leyi balekaka.

Nhlavutelo 20:2

kavaloko yi khoma dragona, nyoka ya khale, a nga Diyavulosi na Satana; yi n'wi bohela malembe ya khume ra madzana.

Nhlavutelo 19:21

Loko va ri lava seleke, va dlawa hi tlhari leri humaka enon'wini wa la khandziyeke hanci; kutani tinyanyana ti xurha hi tinyama ta vona.

Yeremiya 51:34

“Nebukadnetsara, hosi ya Babilona, u hi dyile, u hi hetile, u hi endlile xilo xa hava, u hi mitile kukota dragona, u tixurhisile khwiri hi ku nandziha ka hina, u hi hlongorile.

Ntirho 40:19

“I xirhangana xa mitirho ya Xikwembu; Loyi a yi vumbeke u yi nyikile tlhari ra yona;

Nhlavutelo 17:15

Kutani a ku eka mina: “Mati lawa u ma voneke, lawa muoswi a tshamiseke eka wona, i swivongo, ni vunyingi, ni matiko, ni tindzimi.

Nhlavutelo 17:1

Ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi yi ta, yi vulavula na mina, yi ku: “Tana, ndzi ta ku kombisa ku avanyisiwa ka muoswi lonkulu, la tshamiseke ehenhla ka mati layo tala,

Nhlavutelo 16:13

Kutani ndzi vona ku huma enon'wini wa dragona, ni le non'wini wa xivandza, ni le non'wini wa muprofeta wa mavunwa, mimoya minharhu ya thyaka leyi fanaka ni mitlambya.

Nhlavutelo 13:11

Kutani ndzi vona xivandza xin'wana lexi tlhandlukaka, xi huma emisaveni; a xi ri ni timhondzo timbirhi leti fanaka ni ta xinyimpfana, kutani xi vulavula kukotisa dragona.

Nhlavutelo 13:4

Kutani va gandzela dragona hikuva a yi nyikile xivandza matimba ya yona, va gandzela ni xivandza, va ku: “I mani la ringanaka ni xivandza, i mani la nga tiyaka ku lwa na xona?”

Nhlavutelo 2:16

Hundzuka-ke; loko u nga hundzuki, ndzi ta hatlisa ndzi ta eka wena, ndzi lwa na vona hi tlhari ra nomu wa mina.

Yeremiya 51:13

Wena la akeke ekusuhi ni mati lamakulu, la teleke xuma, makumu ya wena ma fikile, ni vukhamba bya wena byi ta hela.

Yeremiya 47:6

Yo! Banga ra Yehovha! U ta wisa rini? Tlhelela enkotlotweni wa wena, u wisa u yimile!

Esaya 65:25

“Mhisi ni xinyimpfana swi ta dya swin'we, nghala yi ta dya byanyi tanihi homu; nyoka yi ta dya ntshuri; ku nga ka ku nga endliwi leswo biha, ni leswi onhaka, entshaveni hinkwayo ya mina leyo kwetsima,” ku vula Yehovha.

Esaya 26:21

Hikuva vonani, Yehovha u huma evuakweni bya yena ku ta endzela ku dyoha ka vaaki va misava, kutani misava yi ta yimbula ngati leyi yi fundziweke hi yona, a yi nga ha fihli vadlayiwa va yona.

Pisalema 45:3

We nhenha! Tibohe banga ra wena etsheveni ra wena! I ku dzuneka ka wena ni ku kwetsima ka wena;

Ntirho 3:8

A byi rhukaniwe hi lava rhukanaka masiku, Lava nga ni vutlhari byo pfuxa Levhiyatani!

Ntirho 41:1

“Xana u nga phasa ngwenya hi xinjovo? U nga boha ririmi ra yona hi ngole-ke?

Esaya 65:12

ndzi mi nyiketa tlhari, kutani mi ta khinsama hinkwenu ku tlhaviwa, hikuva ndzi vitanile kasi a mi hlamulanga, ndzi vulavurile, kasi a mi yingisanga; kambe mi endlile leswi biheke emahlweni ka mina, mi titsakele eka leswi ndzi nga swi rhandziki.”

Amosi 9:3

Ni loko va nga tifihla enhlohlorhini ya Karmele, ndzi ta va lavisisa kona, ndzi va khoma; ni loko va tifihlela emahlweni ya mina eswidziveni swa lwandle kona ndzi ta lerisa nyoka leswaku yi va luma.