Esaya 26:7 - Xitsonga (Bibele)

⁷ Ndlela ya la lulameke yi latekile; u khula swinenenene ndlela ya lulameke.

BIBELE Mahungu Lamanene

⁷ We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Esaya 26:7 Referans Kwoze

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

1 Yohane 3:7

Vana, mi nga tshuki mi xisiwa hi munhu; la endlaka leswo lulama, u lulamile, kukota leswi na yena, a lulameke.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

1 Yohane 3:10

Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.

Swivuriso 20:7

Munhu wo lulama u famba eku lulameni ka yena, Ku katekile vana va yena lava n'wi landzaka.

Pisalema 11:7

Hikuva Yehovha u lulamile, u rhandza mitirho ya ku lulama; Vanhu lava lulameke va ta hlalela nghohe ya yena.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Ntirho 31:6

Xikwembu a xi ndzi veke exikalweni lexo lulama, Xi ta kuma leswaku ndzi hava nandzu!

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Pisalema 11:4

Yehovha u le tempeleni ya yena leyo kwetsima, Yehovha u ni xiluvelo xa yena ematilweni; Mahlo ya yena ma languta, Tinkohe ta yena ti ringa vana va vanhu.

Pisalema 25:4

Yehovha! Ndzi kombe tindlela ta wena, U ndzi dyondzisa mikhuva ya wena.

Pisalema 25:5

Ndzi fambise entiyisweni wa wena u ri karhi u ndzi dyondzisa; Hikuva hi wena Xikwembu xa ku hlayiseka ka mina; Hi masiku, ndzi ku tshembile.

Pisalema 27:11

Yehovha, ndzi kombise ndlela ya wena, U ndzi fambisa endleleni leyi lulameke, Hikwalaho ka lava nga valala eka mina.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Esaya 52:12

Hikuva mi nga ka mi nga fambi hi ku hatlisa, mi nga ka mi nga suki hi ku tsutsuma, hikuva Yehovha wa mi rhangela, kutani Xikwembu xa Israele xi mi landza hi le ndzhaku!

Esaya 57:2

A a nghene hi ku rhula, a wisa evutshan'weni bya yena la nga ta va a tamerile ndlela yo lulama!

Yeremiya 10:23

Oho Yehovha, ndza swi tiva, ndlela ya munhu a yi le matimbeni ya yena, kambe munhu la fambaka a nga ka a nga lulamisi riendzo ra yena.

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

Swivuriso 3:6

U n'wi nghenisa emakungwini ya wena hinkwawo, U ta lulamisa tindlela ta wena.

Swivuriso 11:5

Ku lulama ka loyi a lulameke ku ta n'wi khulelela ndlela, Kasi lowo biha u ta wisiwa hi ku biha ka yena.

Swivuriso 21:8

Munhu wa ndlela ya ku homboloka u fularhela ku lulama, Kambe mitirho ya munhu wa ku lulama yi sasekile.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!