Esaya 26:6 - Xitsonga (Bibele)

⁶ u wu khumbisa ntshuri; wu kandziyeriwa hi milenge, hi milenge ya swisiwana ni mikondzo ya vapfumari!

BIBELE Mahungu Lamanene

⁶ kutani vanhu lava nga swisiwana, lava pfumalaka swa le mandleni, va famba ehenhla ka muti lowu, va wu kandziyela.”

Esaya 26:6 Referans Kwoze

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Luka 10:19

Vonani, ndzi mi nyika matimba ya ku kandziya tinyoka ni swipame, ni le henhla ka matimba hinkwawo ya nala; kutani a ku na nchumu lowu nga ta mi endla swo biha.

Yoxuwa 10:24

Kuteloko va tisile tihosi leti emahlweni ka Yoxuwa, Yoxuwa a hlengeleta vavanuna hinkwavo va Israele, kutani a ku eka tihosi ta vanhu va nyimpi lava fambeke na yena: “Tshinelani mi kandziya hi mikondzo ya n'wina emikolweni ya tihosi leti.” Kutani va tshinelela va kandziya hi mikondzo ya vona emikolweni ya tona.

Nhlavutelo 2:26

“ ‘La nga ta hlula, a tiyisela ku tirha mitirho ya mina ku yisa emakumu, ndzi ta n'wi nyika ku fuma ehenhla ka matiko.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

1 Vakorinto 1:26

Tsundzukani ku vitaniwa ka n'wina vamakwerhu, hikuva vavutlhari hi mukhuva wa nyama a va talanga, ni vamatimba a va talanga, ni vakulukumba a va talanga;

Malakiya 4:3

Mi ta kandziyela vabihi, hikuva va ta fana ni nkuma ehansi ka vukandziyo bya milenge ya n'wina, esikwini leri nga ta endliwa hi mina, ku vula Yehovha wa mavandla.

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Yeremiya 50:45

“Hikwalaho, yingisani makungu ya Yehovha lawa a ma kaneleleke eBabilona, ni mianakanyo ya yena leyi a yi anakanyeleke tiko ra Kalediya: Kunene va ta va koka kukota leswitsanana swa ntlhambi, kunene u ta onha vuako bya vona swin'we na vona.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Esaya 37:25

Ndzi cerile, kutani ndzi nwile mati ndzi ta omisa hi mikondzo ya mina milambu hinkwayo ya Egipta!

Esaya 25:10

Hikuva voko ra Yehovha ri ta tlhandlekiwa ehenhla ka ntshava leyi; kambe Mowabu u ta kandziyeriwa laha a nga kona, tanihi mungu wa koro loko wu gandleteriwa endzhopeni wa vulongo;

Esaya 3:15

Mi xanisa tiko ra mina hi matimba wahi, ni ku phyandlasa lava nga ekhombyeni xana?” ku vula Hosi, Yehovha wa tinyimpi.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Esaya 28:3

Xintlontlo lexi tiarisaka xa vapyopyiwa va Efrayimi xi ta kandziyeriwa hi milenge;

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

2 TIHOSI 9:33

“N'wi hoxeni ehansi!” Va n'wi hoxa, kutani ngati ya yena yi phyandlukela ekhumbini ni le tihancini, kutani ti n'wi phyandlasa hi mikondzo ya tona.