Esaya 26:5 - Xitsonga (Bibele)

⁵ Hikuva u tsongahatile lava akeke etindhawini leti nga ehenhla; u wu tsongahata ku fika ehansi, muti lowu tlakukeke,

BIBELE Mahungu Lamanene

⁵ HOSI Xikwembu xi tsongahatile vaaki va muti lowu akiweke ehenhla ka xintshabyana, wa tindlu leto leha, xi mbundzumuxa muti wa vona, xi wu herisa, wu wela ehansi;

Esaya 26:5 Referans Kwoze

Nhlavutelo 18:2

Kutani yi huwelela hi rito lera matimba, yi ku: “U wile, u wile, Babilona lonkulu, u hundzukile vuako bya mademona, ni khotso ra mimoya hinkwayo ya thyaka, ni vuako bya tinyanyana hinkwato leti nga tengangiki, leti nyenyiwaka.

Yeremiya 51:37

kutani Babilona u ta va nhulu ya maribye ni vuako bya timhungubye, xihlamariso, ni xisandzu, laha ku nga akiwiki kona.

Yeremiya 51:64

kutani u ku: ‘Babilona u ta petisiwa sweswo, a nga ka a nga pfuxiwi emakhombyeni lawa ndzi nga ta ma tisa ehenhla ka yena.’ ” Marito ya Yeremiya ma hela kwala.

Esaya 13:11

Ndzi ta ba misava hikwalaho ka ku biha ka yona, ni swidyohi hikwalaho ka ku dyoha ka swona; ndzi ta herisa vukulu bya vatiarisi, ndzi tsongahata lava tikurisaka.

Esaya 47:1

Xika, u tshamisa entshurini, wena nhwanyana, n'wana wa Babilona! Tshamisa ehansi, a ku na xiluvelo, wena, n'wana wa Vakalediya! Hikuva va nga ka va nga ha ku vuri loyi a titsetselelaka ni la rhandzaka mitsako.

Esaya 32:19

Kambe xihangu xi ta wela ehenhla ka xihlahla, kutani muti wu ta tsongahatiwa ehansihansi.

Esaya 14:13

U kanela embilwini ya wena, u ku: ‘Ndzi ta khandziya ehenhla, ndzi tlakusa xiluvelo xa mina ehenhla ka tinyeleti ta Xikwembu; ndzi tshamisa entshaveni ya nhlengeletano, emakun'wini ya n'walungu.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Pisalema 79:8

U nga tshuki u anakanya vudyohi bya vatata wa hina! Tintswalo ta wena a ti hi tele hi ku hatlisa! Hikuva hi va makhombo ngopfu.

Esaya 25:2

Hikuva hi muti u endlile nhulu ya maribye, hi muti wa khokholo u endlile rhumbi; vuako bya vamatiko a bya ha ri muti, a byi nga ha pfuxiwi.

Swirilo 2:2

Hosi yi mbundzuxile miako hinkwayo ya Yakobo, a nga tsetselelanga nchumu; U mbundzuxile hi vukari lebyi pfurhaka bya yena makhokholo ya nhwanyana wa Yuda, U ma wisele ehansi, A onha ku fuma ni tihosi ta kona.

Ezekiele 26:11

U ta kandziyela mitsendzele ya wena hinkwayo hi swinyirhi swa tihanci ta yena; u ta dlaya vanhu va wena hi fumu, ni maribye ya matimba ya wena ma ta wa ehansi.

Esaya 24:10

Muti wu onhakile, i rhumbi ntsena; yindlu yin'wana ni yin'wana yi pfariwile, a ta ha ngheniwi.

Ezekiele 28:17

Mbilu ya wena yi titlakusile hi ku saseka ka wena, u borise vutlhari bya wena hikwalaho ka ku kwetsima ka wena; ndzi ku cukumete ehansi, ndzi ku veke emahlweni ka tihosi, ti ta ku hlalela.