Esaya 26:3 - Xitsonga (Bibele)

³ Eka lowa mbilu leyi tiyeke wa n'wi nyika ku rhula, ku rhula hikuva u tshembile wena.

BIBELE Mahungu Lamanene

³ We HOSI, vanhu lava va langutaka eka wena, lava va ku tshembaka, u va nyika ku rhula loku hetisekeke.

Esaya 26:3 Referans Kwoze

Vafilipiya 4:7

kutani ku rhula ka Xikwembu loku tlurisaka ku twisisa hinkwako, ku ta hlayisa timbilu ta n'wina, ni miehleketo ya n'wina eka Yesu Kriste.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Pisalema 9:10

Lava tivaka vito ra wena va titshembisa ha wena; Hikuva wena Yehovha, a ku tshiki lava ku lavaka.

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Mikiya 5:5

U ta vuyisa ku rhula. Kutakuloko Muaxuru a nghena etikweni ra hina a khandziya etindlwini ta hina ta vuhosi, hi ta va ni valanguteri va 7, hambi ti ri tihosi ta vanhu ta 8 ku n'wi sivela.

2 TIKRONIKA 16:8

Xana nyimpi ya Vaetiyopiya ni Valibiya a yi vanga leyikulu ngopfu, va ri ni vunyingi lebyikulu ngopfu bya tigolonyi ni vakhandziyi va tihanci xana? Kambe leswi u tshembeke Yehovha, u va nyiketile emavokweni ya wena.

2 TIKRONIKA 13:18

Vana Vaisraele va tsongahatiwa enkarhini wolowo, kambe vana va Yuda va tiyisiwa hikuva va tshembile Yehovha, Xikwembu xa vatata wa vona.

1 TIKRONIKA 5:20

Va pfuniwile loko va lwa na vona, kutani va Hagara ni hinkwavo lava ngi va ri na vona, va nyiketiwa emavokweni ya vona. Hikuva, loko va ha lwa va huwelela eka Xikwembu, kutani Xikwembu xi va yingisa, hikuva a va xi tshembile.

Esaya 48:2

hikuva va tithya hi vito ra muti lowo kwetsima, va tshemba Xikwembu xa Israele, lexi vito ra xona ri nga Yehovha wa tinyimpi!

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Pisalema 119:165

Lava rhandzaka nawu wa wena va ni ku rhula lokukulu, A ku na ku khunguvanyisa eka vona.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 26:12

Yehovha, hi wena la hi haka ku rhula, hikuva hi wena la tirhaka mitirho ya hina hinkwayo.

Esaya 27:5

Loko swi nga ri leswaku va kombela ku londzovotiwa hi mina, va kombela ku rhula, va va va hlangana na mina.”

Esaya 32:18

Kutani tiko ra mina ri ta aka evuakweni byo tsaka, ni le tindlwini leti tshembekaka, ni le tindhawini leti nga ni ku tsaka eku wiseni.

Esaya 42:6

“Mina Yehovha, ndzi ku vitanele vutomi, ndzi ta ku khoma hi voko, ndzi ku hlayisa, ndzi ku veka leswaku u endla xinakulobye ni tiko, hileswaku u ta va ku vonakala ka matiko,

Esaya 42:19

Lowo fa mahlo i mani, loko a nga ri nandza wa mina; la feke tindleve i mani loko yi nga ri ntsumi ya mina leyi ndzi yi rhumaka? I mani lowo fa mahlo tanihi la rhandziweke hi Xikwembu, i mani lowo fa mahlo tanihi nandza wa Yehovha?

Esaya 49:8

U vula sweswo Yehovha: “Enkarhini wa tintswalo, ndzi ku yingisile, hi siku ra ku hlayiseka, ndzi ku pfunile; ndzi ku tumbuluxile, ndzi ku tiyisile leswaku u lulamisa ntwanano ni tiko, ni ku pfuxa tiko, ku nyika vanhu tindzhaka leti onhakeke,

Esaya 66:12

Hikuva Yehovha u vulavurile sweswo a ku: “Waswivo, ndzi ta fambisa ka yena ku rhula tanihi nambu, ni ku twala ka matiko tanihi boboma leri halakaka, kutani mi ta an'wa, mi va mi velekiwa, ni ku vukarhiwa.

Daniele 3:17

Loko swi nga endleka leswaku Xikwembu xa hina lexi hi xi tirhelaka xi hi ponisa, xi ta hi ponisa ekheleni ra ndzilo lowo leva ni le vokweni ra wena, hosi.

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Daniele 6:23

Kavaloko hosi yi tsaka hi ku tlurisisa, kutani yi lerisa leswaku Daniele a humesiwa ekheleni; kutani Daniele a humesiwa ekheleni, kambe a ku kumiwanga ni mbanganyana eka yena, hikuva a a tshembile Xikwembu xa yena.

Pisalema 125:1

Lava tshembaka Yehovha Va fana ni ntshava ya Siyoni; yi nga ka yi nga tsekatseki, Yi ta tiya hi laha ku nga heriki!

Esaya 32:17

Ntirho wa ku lulama ku ta va ku rhula, ni mihandzu ya ku lulama, ku wisa ni ku tsaka loku nga heriki.

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Yeremiya 39:18

Hikuva ndzi ta ku lamulela, u nga ka u nga wi hi fumu, kutani vutomi bya wena byi ta va ku phanga ka wena, hikuva u ndzi tshembile, ku vula Yehovha.’ ”