Esaya 26:11 - Xitsonga (Bibele)

¹¹ Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

BIBELE Mahungu Lamanene

¹¹ U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Esaya 26:11 Referans Kwoze

Vaheveru 10:27

kambe ku ni ku langutela loku chavisaka ka ku avanyisiwa, ni ku kariha ka ndzilo lowu nga ta hisa valala.

Mikiya 5:9

Voko ra wena a ri tlakukele lava ku xanisaka, valala va wena a va herisiwe hinkwavo!

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Timhaka 28:27

hikuva mbilu ya tiko leri, yi nonisiwile tindleve ta rona ta nonon'hwa ku yingisa, ri swinyile mahlo leswaku ri nga ti vona hi mahlo, ri nga ti twa hi tindleve, ri nga ti swi twa hi mbilu, ri nga ti hundzuka, kutani ndzi nga ti ri hanyisa.’

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Yeremiya 44:28

Kambe van'wana, va nga ri vangani, lava poneke tlhari, va ta suka etikweni ra Egipta; va tlhelela etikweni ra Yuda, kutani hinkwavo lava seleke va Yuda, lava teke etikweni ra Egipta ku aka kona, va ta tiva xana i rito ra mina kumbe ra vona ri nga ta tiya.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Esaya 44:18

A va tivi nchumu, a va na ku twa, hikuva mahlo ya vona ma siveriwe hileswaku va nga voni nchumu, ni timbilu, leswaku ti nga twi nchumu.

Esaya 44:9

Vaendli va swifaniso i va hava hinkwavo, ni mitirho ya vona leyo saseka ku tlurisa a yi pfuni nchumu. Kutani swifaniso swi vurisa swi ri swona a swi voni, a swi anakanyi, hileswaku vaendli va swona va va ni tingana.

Esaya 18:3

N'wina hinkwenu lava akeke ematikweni hinkwawo, na n'wina vanhu va misava, kutakuloko mujeko wu yimisiwe ehenhla ka tintshava, langutani! Kutakuloko nanga yi yimbiwa, mi yingisela!

Esaya 11:13

Kutani mavondzo ya Efrayimi ma ta hela, valala va yena etikweni ra Yuda va ta susiwa. Efrayimi a nga ka a nga vondzoki Yuda, Yuda, yena, a nga ka a nga ha lwi na Efrayimi.

Pisalema 86:17

U ndzi endlela xikombiso xa vunene bya wena! Leswaku lava ndzi vengaka va swi vona, va khomiwa hi tingana. Hikuva u ndzi pfunile, Yehovha, u va u ndzi chavelela.

Pisalema 21:8

Voko ra wena ri ta khoma valala va wena hinkwavo, Voko ra wena ra xinene ri ta kuma lava ku vengaka.

Pisalema 10:12

Pfuka, Yehovha! Oho Xikwembu, tlakusa voko ra wena! U nga rivali lava nga ekhombyeni!

Ntirho 34:27

Hikuva va xi fularhele; A va xiyangi tindlela hinkwato ta xona.

1 SAMIELE 6:9

Mi ta yi languta; kutani kungakuloko yi tlhandluka endleleni ya ndzilakana wa yona, tlhelo ra Beta-Xemexe, i Yehovha la hi tiseleke khombo lerikulu leri; loko swi nga ri tano, hi ta tiva leswaku voko ra yena a ri hi khumbanga, kambe swi hi humelele ntsena.”

Eksoda 9:14

Hikuva sweswi ndzi ta rhumela embilwini ya wena makhombo hinkwawo, ni le henhla ka malandza ya wena, ni le tikweni ra wena, u ta tiva leswaku a ku na un'wana la fanaka na mina emisaveni hinkwayo.

Luka 16:23

Kakuloko a ri exivandleni xa vafi, a tshama eku vavisekeni, a tlakusa mahlo a ri ekule, a vona Abrahama; Lazaro yena a ri exifuveni xa yena.

Pisalema 78:63

Xi herisa majaha ya vona hi ndzilo, Ni vanhwana va vona a va tamanga va dzunisiwa.

Esaya 1:31

Kutani nhenha yi ta va tanihi ritiyi, ni ntirho wa yona wu va nhlahle; va ta tshwa swin'we, ku nga vi na munhu la timelaka.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Esaya 9:18

Hikuva vudyoho byi pfurha tanihi ndzilo lowu hisaka mitwa ni swigatlu byi pfurha laha ku tlhumeke ni le swihlahleni, laha ku mbulukaka musi.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Esaya 10:17

Ku vonakala ka Israele ku ta hundzuka ndzilo, ni Mukwetsimi wa yena ri ta va langavi leri hisaka, ri va ri heta mitwa ni swigatlu swa yena hi siku rin'we.

Esaya 37:32

Hikuva nsalo wu ta huma eYerusalema, ni lava ponisiweke va ta huma entshaveni ya Siyoni. Swi ta endliwa hi ku hiseka ka Yehovha.

Esaya 42:13

Yehovha wa huma tanihi nhenha, u pfuxa vukari bya yena tanihi munhu la yaka enyimpini, u tlakusa rito, u ba huwa, u kombisa matimba ya yena eka valala va yena.

Esaya 59:17

Wa ambala ku lulama kukota xisirhelelo, kutani u veka enhlokweni e xihuku xa ku hlayiseka; u ambala tinguvu ta ku tirihisela, kutani u tifunengeta hi rilondzo kukota nkhancu.

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

Mikiya 7:16

Matiko ma ta swi vona, ma ta khomiwa hi tingana hi matimba ya wona; ma ta tikhoma nomu hi voko, ma sivana tindleve.

Pisalema 28:5

Hikuva a va anakanyi mitirho ya Yehovha, Hambi wu ri ntirho wa mavoko ya yena. U ta va wisa ehansi, a nga ka a nga va akisi.

Esaya 10:16

Hikwalaho Hosi ya tinyimpi yi ta ondzisa swihontlovila swa Asiriya, kutani ehansi ka ku vangama ka yena ku ta pfukeka ku pfurha kukotisa ku pfurha ka ndzilo.

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!