Esaya 24:6 - Xitsonga (Bibele)

⁶ Hikwalaho ku rhuketeriwa ku dye tiko, vaaki va rona va biwile; hikwalaho vaaki va tiko va lovisiwaka, lava seleke a hi vangani.

BIBELE Mahungu Lamanene

⁶ Hikokwalaho, misava yi wele hi ndzhukano, lava akeke ka yona va beriwa milandzu ya vona, va fa va hela, ku to sala va nga ri vangani ntsena.

Esaya 24:6 Referans Kwoze

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Matewu 7:14

Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi.

Varhoma 9:27

Kambe, na yena Esaya u huwelele ehenhla ka Israele, a ku: “Hambi ntsengo wa vana va Israele wu nga kotisa sava ra lwandle, ku ta hlayiseka ntlawanyana ntsena;

Malakiya 4:6

U ta tlherisela timbilu ta vatatana eka vana va vona, ni timbilu ta vana eka vatata wa vona, leswaku ndzi nga tshuki ndzi ta, kutani ndzi ba tiko hi ku ri lovisa.”

Levhitika 26:22

Ndzi ta mi nyiketa swivandzana, swi mi hlongorisa, swi khoma vana va n'wina, swi heta swifuwo swa n'wina, swi mi siya mi nga ri vangani, kutani tindlela ta n'wina ti va ti tlhuma.

2 Petro 3:10

Kambe siku ra Hosi ri ta ta kukotisa khamba; kutani ha rona matilo ma ta hundza hi ku pfuma loku chavisaka, masungulo ya hinkwaswo ma ta hela hi ku tshwa, kutani misava ni mitirho leyi nga ka yona yi ta tshwa.

Malakiya 3:9

Mi rhukaniwile hi mirhukano, hikuva hi mina loyi mi ndzi xisaka, n'wina va tiko hinkwaro!

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Ezekiele 5:3

U ta teka kambe misisi yin'wana, u yi phutsela engubyeni ya wena.

Esaya 1:31

Kutani nhenha yi ta va tanihi ritiyi, ni ntirho wa yona wu va nhlahle; va ta tshwa swin'we, ku nga vi na munhu la timelaka.

Duteronoma 28:62

Mi ta sala mi ri ni vanhu va nga ri vangani, hambi mi kotisile tinyeleti ta tilo hi ku tala ka n'wina, hikuva a mi yingisangi rito ra Yehovha Xikwembu xa n'wina.

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Matewu 27:25

Kutani tiko hinkwaro ri hlamula, ri ku: “Ngati ya yena a yi ve ehenhla ka hina ni le henhla ka vana va hina.”

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Esaya 34:5

Hikuva fumu ra mina ri pyopyiwile etilweni, kutani, vonani, ri ta xikela ehenhla ka Edomu, ni le henhla ka tiko leri ndzi nga ri yirisa ku ri avanyisa.

Esaya 43:28

Hikwalaho ndzi sorile tihosi ta vukwetsimelo ndzi nyiketile Yakobo ku yirisiwa, na Israele ku rhukaniwa.

Yeremiya 5:14

Hikwalaho, Yehovha, Xikwembu xa tinyimpi, u vula sweswo, a ku: “Leswi mi vuleke mhaka yoleyo, maswivo, rito ra mina ndzi ta ri endla ndzilo enon'wini wa wena, kutani tiko leri ri va rikunyi, kutani ndzilo lowu wu ta va heta.

2 TIHOSI 24:12

Kavaloko Yoyakini, hosi ya Yuda, a huma eka hosi ya Babilona, a ri ni mana wa yena, ni malandza ya yena, ni tindhuna ta yena, ni vatsheniwa va yena. Kutani hosi ya Babilona yi n'wi teka, yi n'wi boha hi lembe ra ntlhanu na manharhu ra ku fuma ka yena.

2 TIHOSI 25:12

Ntsena, hosi ya valanguteri, yi siya van'wana exikarhi ka swisiwana swa tiko ku hlayisa tivhinya ni ku rima masimu.

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”