Esaya 24:3 - Xitsonga (Bibele)

³ Misava yi ta va mananga, mananga ma ta hlaseriwa kunene, hikuva i Yehovha la vuleke rito lero.

BIBELE Mahungu Lamanene

³ Misava yi ta sala yi ri mananga ntsena, leswi nga ka yona swi ta va swi heriseriwe makumu. Hi yona mhaka leyi HOSI Xikwembu xi yi boheke.

Esaya 24:3 Referans Kwoze

Esaya 24:1

Vonani, Yehovha u ta onha tiko ri hundzuka mananga; u ta onha nghohe ya rona, a hangalasa vaaki va rona.

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Mikiya 4:4

Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

Ezekiele 36:4

hikwalaho ka swona, tintshava ta Israele, yingisani rito ra Hosi: Hosi Yehovha u vulavula sweswo eka tintshava ni switsunga, eka mikova ni swinkobyana, eka marhumbi ya mananga, ni ka miti yo siyeriwa hi vanhu, leyi phangiweke ni ku thyathyaseriwa hi lava seleke va matiko ya le matlhelweni;

Esaya 22:25

“Hi siku lero, ku vula Yehovha wa tinyimpi, mhingu leyi tlhomiweke laha ku tiyeke yi ta susiwa, yi hlomuriwa, yi wa, kutani hinkwaswo leswi hayekiweke eka yona swi ta herisiwa, hikuva Yehovha u vurisile.”

Esaya 21:17

Eka mavurha layo tala ya tinhenha ta Kedari, ku ta sala xitsanana ntsena; hikuva Yehovha, Xikwembu xa Israele u vurisile.”

2 TIKRONIKA 36:21

leswaku ku hetiseka rito ra Yehovha leri nga vuriwa hi nomu wa Yeremiya, tiko ri ko ri tsakela Tisavata ta rona; ri wisa hi nkarhi hinkwawo lowu, ku ko ku hela malembe ya 70.

Duteronoma 29:28

Kambe Yehovha u va tsuvurile emisaveni ya vona hi vukari, ni ku holova, ni ku hiseka lokukulu, kutani u va cukumetile emisaveni yin'wana, hilaha swi vonekaka hakona namuntlha.’

Duteronoma 29:23

va ta ku: ‘I tiko ra xivavula ni munyu, leri tshweke hinkwaro, ri nga riki na mbewu ni swakudya, ni loko byi ri byanyi, a byi mili kona; swi kotisa ku pfilunganya ka Sodoma na Gomora, ni ka Adama na Seboyimi, miti leyi Yehovha a yi pfilunganyeke ku holoveni ka yena, ni le vukarini bya yena!’

Yeremiya 13:15

Yingisani, mi rhiya tindleve: Mi nga tshuki mi tidzunisa, hikuva Yehovha u vurisile.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Esaya 24:2

Muprista u ta va tanihi munhu wa tiko; hosi yi ta fana ni nandza, muntsindza u ta va tanihi khumbi ra yena, muxavisi tanihi muxavi, mulombi tanihi mulombiwa, ni loyi ku nga tekiwa nandzu eka yena, a va tanihi loyi a nga ni nandzu.

Esaya 24:4

Tiko ri le nkosini ni le nhlomulweni; misava yi tsanile, yi ni gome, vakulu va tiko va pfumala matimba.

Mikiya 2:4

Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;

Esaya 42:22

Kutani tiko leri, ri phangiwile swilo swa rona, ri ni vusweti, hinkwavo va bohiwile emabakweni va khotsiwile ekhotsweni, va phangiwile, ku hava mulamuleri, va hlanguriwile, kutani a ku na la vulaka: “Tlherisa!”