Esaya 24:12 - Xitsonga (Bibele)

¹² Ku sele marhumbi ntsena, emutini rivanti ri fayiwile, ri herile.

BIBELE Mahungu Lamanene

¹² Muti wu hundzuke rhumbi, tinyangwa ti biwile ti wa.

Esaya 24:12 Referans Kwoze

Mikiya 1:12

Muaki wa Maroti (ku bava) u vabya hi ku rilela tintswalo, hikuva khombo ri humile eka Yehovha ri fikile enyangweni ya Yerusalema.

Mikiya 1:9

Hikuva timbanga ta Samariya ti bihile khombo ra yena ri humelele ni ka Yuda; ri fikile enyangweni ya tiko ra mina, eka Yerusalema.

Swirilo 5:18

Hikuva ntshava ya Siyoni yi onhakile, Kutani timhungubye ti tifambela ehenhla ka yona.

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 1:1

Wu tshamile wu ri woxe ha yini, muti lowu ingi wu ri ni vanhu vo tala xana? Muti lowu ngi wu ri nkulukumba exikarhi ka matiko, Wu hundzukile ha yini wu fana ni noni? Lowu ngi wu ri ntsindza exikarhi ka matiko, Wu hundzukile lowu fuyiweke ha yini-ke?

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 32:14

Hikuva tindlu ta vuhosi ti ta sukeriwa, muti wa pongo wu ta hundzuka rhumbi; xitsunga ni khokholo ra mulanguteri ma ta va mabako hi masiku ni masiku, yi va ndhawu ya timangwa ta nhova, ni madyelo ya mitlhambi,

Matewu 22:7

Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”

Esaya 32:19

Kambe xihangu xi ta wela ehenhla ka xihlahla, kutani muti wu ta tsongahatiwa ehansihansi.

Esaya 45:2

Hi mina ndzi nga ta famba emahlweni ka wena, ndzi ta mbundzumuxa switsunga; ndzi ta tshova tinyangwa ta nsuku, ndzi wisa timhandze ta nsimbhi;