Esaya 24:10 - Xitsonga (Bibele)

¹⁰ Muti wu onhakile, i rhumbi ntsena; yindlu yin'wana ni yin'wana yi pfariwile, a ta ha ngheniwi.

BIBELE Mahungu Lamanene

¹⁰ Muti wo tala mpfilumpfilu wu mbundzumuxiwile, wu wela hansi, lomu a ku ri ni tindlu, a ka ha fambeki.

Esaya 24:10 Referans Kwoze

Nhlavutelo 18:2

Kutani yi huwelela hi rito lera matimba, yi ku: “U wile, u wile, Babilona lonkulu, u hundzukile vuako bya mademona, ni khotso ra mimoya hinkwayo ya thyaka, ni vuako bya tinyanyana hinkwato leti nga tengangiki, leti nyenyiwaka.

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Luka 19:43

Hikuva ku ta ta masiku ehenhla ka wena, lawa valala va wena va nga ta biyela rirhangu, va ku rhendzela ha rona, va ku sivelela hi matlhelo hinkwawo.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Mikiya 2:13

Muboxi wa ndlela u ta rhanga emahlweni; va ta boxa, va nghena hi nyangwa, va tlhela va huma hi yona; hosi ya vona yi ta rhanga emahlweni, yena Yehovha a va rhangela.

Yeremiya 52:7

Kutani rirhangu ra muti ri boxiwa, vavanuna hinkwavo va nyimpi va huma nivusiku hi ndlela ya nyangwa, exikarhi ka makhumbi mambirhi, ekusuhi ni ntanga wa hosi; kutani va famba hi ndlela ya rivala loko Vakalediya va ri karhi va rhendzela muti.

Yeremiya 39:8

Vakalediya va hisa hi ndzilo yindlu ya hosi, ni tindlu ta va tiko, va mbundzuxa ni rirhangu ra Yerusalema.

Yeremiya 39:4

Kuteloko Sedekiyasi, hosi ya Yuda ni tinhenha hinkwato va va vona, va tsutsuma, va huma emutini ni vusiku hi gondzo ra ntanga wa hosi, hi nyangwa ya le xikarhi ka marhangu mambirhi, va huma hi ndlela ya rivala.

Esaya 34:11

Gumba ni nhloni swi ta ri fuma, kutani swikotlwana ni mawukuwuku swi ta aka kona; va ta tshandzavuta kona pindza ra ku onha ni xiringaniso xa ku herisa.

Esaya 32:14

Hikuva tindlu ta vuhosi ti ta sukeriwa, muti wa pongo wu ta hundzuka rhumbi; xitsunga ni khokholo ra mulanguteri ma ta va mabako hi masiku ni masiku, yi va ndhawu ya timangwa ta nhova, ni madyelo ya mitlhambi,

Esaya 27:10

Hikuva muti wa matimba wu hundzuke rhumbi, muti lowu tshikiweke, lowu fularheriweke tanihi mananga, marhole ma dya, ma etlela kona, ma dya marhavi.

Esaya 25:2

Hikuva hi muti u endlile nhulu ya maribye, hi muti wa khokholo u endlile rhumbi; vuako bya vamatiko a bya ha ri muti, a byi nga ha pfuxiwi.

Esaya 24:12

Ku sele marhumbi ntsena, emutini rivanti ri fayiwile, ri herile.

Esaya 23:1

Vovolani n'wina, tingalava ta Tarxixi, hikuva u lovile! Tindlu, ku hava! A ka ha ngheni munhu kona! Mahungu lawa ma huma etikweni ra Kitimi.

2 TIHOSI 25:4

Kutani rirhangu ra muti ri boxiwa, vavanuna hinkwavo va nyimpi va huma nivusiku hi ndlela ya nyangwa, exikarhi ka makhumbi mambirhi, ekusuhi ni ntanga wa hosi; kutani va famba hi ndlela ya rivala loko Vakalediya a va ri karhi va rhendzela muti.

Genesa 11:9

Hi kwalaho va wu thya vito ra Babele, hikuva hi kona Yehovha a hambanyiseke ku vulavula ka misava hinkwayo; kutani hi kona Yehovha a va hangalaseke ehenhla ka misava hinkwayo.

Esaya 32:19

Kambe xihangu xi ta wela ehenhla ka xihlahla, kutani muti wu ta tsongahatiwa ehansihansi.

Esaya 26:5

Hikuva u tsongahatile lava akeke etindhawini leti nga ehenhla; u wu tsongahata ku fika ehansi, muti lowu tlakukeke,