Esaya 23:4 - Xitsonga (Bibele)

⁴ U va ni tingana, Sidoni, hikuva lwandle ni khokholo ra lwandle ri vurile, ri te: “A ndzi lumiwanga, a ndzi velekanga; a ndzi kurisanga timbhuri, a ndzi wundlanga vanhwana.”

BIBELE Mahungu Lamanene

⁴ We Sidoni khokholo ra le lwandle, nyuma, hikuva lwandle ri vulavula ri ku: “Mina a ndzi si tshama ndzi veleka, a ndzi na n'wana wa mufana, hambi wa nhwanyana, ndzi hava!”

Esaya 23:4 Referans Kwoze

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Genesa 10:19

Kutani maavana ya Vakanana ma suka eSidoni ku ya fika eGerara na Gaza, ni hitlhelo ra Sodoma na Gomora, na Adama na Seboyimi, ku fika eLaxa.

Genesa 10:15

Kanana a veleka Sidoni, lowa mativula, na Heti,

Yoxuwa 11:8

Yehovha a va nyiketa emavokweni ya Vaisraele, kutani va va tlhava va va hlongorisa ku ya fika eSidoni lowukulu ni Misrefoto-Mayimi, ni ku fika enkoveni wa Mispa, evuxeni; va lwa na vona, va nga siyi mubaleki ni un'we.

Vaavanyisi 10:6

Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

Yeremiya 25:22

ni tihosi hinkwato ta Tiri, ni tihosi hinkwato ta Sidoni, ni tihosi ta eswihlaleni swa ntsunga wa ehase ka lwandle;

Yeremiya 27:3

u swi rhumela eka hosi ya Edomu, ni ka hosi ya Mowabu, ni ka hosi ya vana va Amoni, ni ka hosi ya Tiri, ni ka hosi ya Sidoni, hi tintsumi leti teke Yerusalema, eka Sedekiyasi, hosi ya Yuda.

Ezekiele 28:21

“N'wana wa munhu, rhendzelekisa mombo wa wena tlhelo ra Sidoni, u n'wi profetela,

Ezekiele 28:22

u ku: Hosi Yehovha u ri: Vona, ndzi le ka wena, Sidoni; ndzi ta dzunisiwa exikarhi ka wena. Va ta swi tiva leswaku hi mina Yehovha, siku ndzi n'wi humeselaka ku avanyisa, ndzi tiendlaka la hlawulekeke eka yena.