Esaya 23:13 - Xitsonga (Bibele)

¹³ Vona, tiko ra Vakalediya, leri ngi ri nga ri tiko; Asiriya u ri nyikile swivandzana swa nhova; va akile makhokholo ya vona ya tinyimpi va onhe tindlu ta vuhosi bya Ninivha, va ti endle marhumbi.

BIBELE Mahungu Lamanene

¹³ Vanhu lava endleke leswaku muti wa Tiri wu hundzuka kaya ra swiharhi swa nhova, a hi Vaasiriya; i Vakalediya: Va akile swihondzo, va rhendzela muti ha swona, kutani va wu nghenela, va wisetela makhokholo, va wu siya wu ri rhumbi.

Esaya 23:13 Referans Kwoze

Timhaka 7:4

Kutani a suka etikweni ra Vakalediya, a ya aka eHarana. Kambe loko tata wa yena a file, Xikwembu xi n'wi rhurhisa, xi n'wi tisa etikweni leri mi akeke eka rona sweswi.

Habakuku 1:6

Hikuva ndzi ta pfuxa Vakalediya tiko leri xanisaka, ra vukari, leri handzulaka ku anama ka misava ku teka matiko lama nga riki ya rona.

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Ezekiele 29:18

“N'wana wa munhu Nebukadnetsara hosi ya Babilona, u lerise nyimpi ya yena ku tirha ntirho lowukulu eka Tiri; tinhloko hinkwato ti endliwe mimpandhla, ni makatla hinkwawo ma tshwumukile; kutani kona eTiri, yena, ni nyimpi ya yena, a va vonanga hakelo ni yin'we ya ntirho lowu va wu tirheke kona.

Esaya 13:19

Kutani Babilona la nga ni vukosi lebyi dzunisiwaka bya matiko, muti lowu Vakalediya va tidzunisaka hi ku bombisiwa ka wona, wu ta va tanihi Sodoma na Gomora siku miti leyi yi onhiwaka hi Xikwembu.

Esaya 10:7

Kambe yena a nga xiyi, mbilu ya yena a yi tsundzuki leswaku swi tano, hikuva a ehleketa ntsena ku onha ni ku lovisa matiko layo tala.

Esaya 10:5

Khombo eka Asiriya, nkhavi wa vukari bya mina! Nkhavi lowu ndzi wu vekaka evokweni ra yena, wu ta ndzi rihisela.

Pisalema 72:9

Lava tshamaka emananga va ta khinsama emahlweni ka yona, Ni valala va yona va ta nantswa ntshuri.

Ntirho 1:17

Yeloyi loko a ha vulavula, ku fika un'wana, a ku: “Vakalediya va mavandla manharhu va wele tikamela ehenhla, va ti byisa, va dlaya ni varisi hi matlhari; ku pona mina ntsena ndzi ku byelaka.”

2 TIKRONIKA 33:11

Kutani Yehovha a tisa eka vona ku va pfuka, tindhuna ta hosi ya Asiriya, tona ti khoma Manase exikarhi ka mitwa, ti n'wi boha hi tiketana ta koporo, ti n'wi yisa eBabilona.

2 TIHOSI 20:12

Enkarhini wolowo Merodaka-Baladani, n'wana Baladani, hosi ya Babilona, a rhumela Hezekiya papila ni nyiko, hikuva a swi twile leswaku Hezekiya a a vabyile.

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

Genesa 11:31

Kutani Tera a teka Abrama, n'wana wa yena, na Lota, n'wana Harana, n'wana wa n'wana wa yena, na Sarayi n'wingi wa yena, nkata Abrama n'wana wakwe, kutani va huma swin'we Uru wa Kalediya, va kongoma tiko ra Kanana. Kuteloko va fike eHarana, va aka kona.

Genesa 11:28

Kambe Harana a fa emahlweni ka Tera tata wa yena, etikweni leri a nga velekiwa eka rona, ku nga Uru wa Kalediya.

Genesa 11:9

Hi kwalaho va wu thya vito ra Babele, hikuva hi kona Yehovha a hambanyiseke ku vulavula ka misava hinkwayo; kutani hi kona Yehovha a va hangalaseke ehenhla ka misava hinkwayo.

Genesa 2:14

Nambu wa vunharhu, i Hidekele; hi wona lowu khulukelaka evuxeni bya Asiriya. Nambu wa vumune, i Yufrata.

Esaya 13:21

Kambe ku ta hundzuka matshanga ya swiharhi swa nhova. Tindlu ta kona ti ta tala makhuhunhu; tiyimbhu ti ta tshama kona, ni swiphongo swi ta tlulatlulela kona.

Esaya 18:6

Hinkwavo va ta nyikiwa makoti ya tintshava, ni swivandzana swa nhova. Makoti ma ta dya hi ximumu, ni swivandzana swi dya hi vuxika.

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.

Ezekiele 23:23

Va ri vana va Babilona ni Vakalediya hinkwavo, tindhuna, ni vakulukumba, ni tihosana va ta ni vana va Asiriya hinkwavo, va ri vavanuna lavantshwa lavo saseka hinkwavo, tihosana ni tindhuna, ni tinhenha, ni vavanuna va huvo, va khandziye tihanci hinkwavo.