Esaya 22:6 - Xitsonga (Bibele)

⁶ Elamu u tamele gadzi, ku humelela tigolonyi leti teleke tinhenha, ni vakhandziyi va tihanci; Kiri u hlomile switlhangu.

BIBELE Mahungu Lamanene

⁶ Vanhu va tiko ra Elamu va tile va hlomile matlhari, va ri ni tigolonyi ta nyimpi ni vagadi va tihanci, va le Kiri va tile va khomile switlhangu.

Esaya 22:6 Referans Kwoze

2 TIHOSI 16:9

Hosi ya Asiriya yi n'wi yingisa; kutani hosi ya Asiriya yi tlhandluka! Yi ya lwa na Damaska yi wu teka, yi yisa vaaki va kona eKiri, yi dlaya Resini.

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Amosi 9:7

“Xana eka mina a mi fani na vana va Kuxi, n'wina, vana va Israele?” ku vula Yehovha. “Xana a ndzi humesanga Israele etikweni ra Egipta, kukota loko ndzi humesile Vafilista eKafitoro, ni Vasiriya eKiri?

Amosi 1:5

Ndzi ta tshova tinghole ta Damaska, ndzi herisa lava akeke erivaleni ra Avene, ni la tamelaka nhonga ya vuhosi eBet-Edeni; kutani vanhu va Siriya va ta yisiwa evukhumbini eKiri,” ku vula Yehovha.

Esaya 15:1

Hi vusiku lebyi Ara-Mowabu a weriweke hi byona, swi herile! Hi vusiku lebyi Kiri-Mowabu a weriweke hi byona u herile!

Genesa 10:22

Vana va Xeme: Elamu, Axuru, Aripakixada, Ludu, Aramu.

Esaya 22:7

Mikova ya wena leyi tlurisaka hi ku saseka, yi tele tigolonyi; lava khandziyaka tihanci va ku bvutamele etinyangweni ta wena.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.