Esaya 22:1 - Xitsonga (Bibele)

¹ Swi lo yini leswi vanhu hinkwavo va wena va tlhandlukeleke ehenhla ka tindlu,

BIBELE Mahungu Lamanene

¹ Lawa i mahungu hi tlhelo ra Nkova wa Swivono: Xana swi lo yini ke, leswi mi khandziyeke eswihlungwanini swa tindlu hinkwenu ke?

Esaya 22:1 Referans Kwoze

Yeremiya 21:13

“Vona, ndzi ni mhaka na wena, muti lowu tshameke enkoveni, eribyeni ra mananga, ku vula Yehovha ndzi ni mhaka na n'wina lava nge: ‘Hi nga hlasela hi mani, kumbe i mani la nga nghenaka etindlwini ta hina?’

Pisalema 125:2

Yerusalema! Wu rhendzeleriwe hi tintshava, Yehovha, u rhendzerisa sweswo tiko ra yena, Sweswi ni mikarhi loyi nga heriki.

Yuwele 3:14

I mitshungu! I mitshungu! Enkoveni wa ku avanyisa, hikuva ri le kusuhi siku ra Yehovha leri nga ta va kona enkoveni wa ku avanyisa.

Yuwele 3:12

Vamatiko a va pfuke, a va te enkoveni wa Yoxafati; hikuva kona ndzi ta tshamisa ku avanyisa matiko hinkwawo ya le matlhelweni.

Esaya 15:3

Emintsendzeleni va tifunengeta hi maxaka; ehenhla ka tindlu ni le tihubyeni, hinkwavo va vovola, va rila hi xivitwana.

Varhoma 3:2

Kumbe ku yimba ku pfuna yini? Ka pfuna ngopfu hi matlhelo hinkwawo, ngopfungopfu hi leswi marito ya Xikwembu ma vekiweke eka vona.

Mikiya 3:6

Hikwalaho mi ta humeleriwa hi vusiku, ku nga ri hi ku vona; mi ta va ni munyama, ku nga ri ku hlavutelwa! Dyambu ri ta pelela vaprofeta, ni ku vonakala ka nhlekanhi ku ta endla ntima ehenhla ka vona.

Yeremiya 48:38

Etindlwini hinkwato ta Mowabu ni le mitsendzeleni hinkwayo ya yena va kolola; hikuva ndzi fayile Mowabu kukotisa mbita leyi sandziwaka, ku vula Yehovha.

Esaya 13:1

Ku avanyisiwa ka Babele loku kombisiweke Esaya, n'wana Amotsi.

Swivuriso 29:18

Mahlori loko ku ri hava, a ku na nawu etikweni, Kambe siku ri hlayisaka milawu, ri katekile!

Pisalema 114:5

A wu ri na yini, wee lwandle leswi u nga baleka, Na wena Yordani, loko u tlhelela endzhaku?

2 TIHOSI 6:28

Hosi yi engeta yi ku eka yena: “U na yini?” Wansati a ku: “Wansati loyi, u ndzi byerile, a ku: ‘Ndzi nyike n'wana wa wena, hi dya namuntlha; mundzuku hi ta dya n'wana wa mina.’

2 SAMIELE 14:5

Kutani hosi yi ku eka yena: “U na yini xana? Mhaka ya wena i yihi xana?” Yena a ku: “Kunene ndzi nsati wa noni, nuna wa mina u file.

1 SAMIELE 11:5

Kambe Sawulo a a vuya emasin'wini a landza tihomu ta yena, kutani a ku: “Tiko leri ri rilela yini hi mukhuva lowu xana?” Kutani va n'wi ambela timhaka leti nga vuriwa hi va Yabexe.

1 SAMIELE 3:1

Wandzisanyana Samiele a a tirhela Yehovha emahlweni ka Heli. Kambe rito ra Yehovha a ri kala emasikwini lawa; ni mahlori ma nga talanga.

Vaavanyisi 18:23

Kutani va huwelela eka vana va Dani valavo, va rhendzeleka, va ku eka Mika: “U dyiwa hi yini loko u tlhavile mukhosi u va hlengeleta?”

Duteronoma 22:8

“Kutakuloko u aka yindlu leyintshwa, u ta biyela lwangu ra wena leswaku u nga vekeli ngati endlwini ya wena, loko kumbe munhu a wa a ri ehenhla ka yona.

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Matewu 10:27

Leswi ndzi mi byelaka swona emunyameni, swi vuleni eku vonakaleni; kutani leswi mi swi yingiseke swi hleveteriwa etindleveni, swi twariseni eswihlungwini swa tindlu.

Esaya 22:5

Hikuva i siku ra nkitsikitsi, ra ku onhaka, ra ku pyatsapyatseka, leri rhumiweke hi Hosi, Yehovha wa tinyimpi, enkoveni wa swivono; rirhangu ri wisiwa ehansi, kutani huwa ya nkosi yi ya fika entshaveni.

Yeremiya 19:13

Kutani tindlu ta Yerusalema, ni tindlu ta tihosi ta Yuda ti ta va thyaka kukotisa xivandla xa Tofete; ti nga tindlu leti hinkwato va khandziyaka ehenhla ka tona ku hisela vandla hinkwaro ra le tilweni mirhi ya risuna, ni ku chululela swikwembu swin'wana tinyiko.” ’ ”

Yeremiya 32:29

Vakalediya va ta lwa ni muti lowo, va ta nghena, va hisa muti lowo hi ndzilo va hisa ni tindlu leti va hiselaka Baali mirhi ya risuna ehenhla ka tona, va humesele swikwembu swin'wana swakunwa, va va va ndzi pfuka.

Yeremiya 32:32

hikwalaho ka ku biha hinkwako loku vana va Israele ni vana va Yuda va ku endleke loko va ndzi pfukile va ri vona, ni tihosi ta vona, ni vakulukumba va vona, ni vaprista va vona, ni vaprofeta va vona, ni vanhu va Yuda, ni vaaki va Yerusalema.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;