Esaya 21:3 - Xitsonga (Bibele)

³ Hikwalaho swisuti swa mina swi tele ku vaviseka; ku lun'wa ku ndzi khomile tanihi loko wansati a veleka; ndza solovanya loko ndzi n'wi twa, ndzi tshukile loko ndzi n'wi vona.

BIBELE Mahungu Lamanene

³ Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Esaya 21:3 Referans Kwoze

Esaya 13:8

Va tlhakamile, gome ni mapfalo swi va khomile; va hlalavandzeka tanihi wansati la velekaka, va langutana va huwelela; mimombo ya vona yi tshwukile tanihi ndzilo.

Esaya 26:17

Tanihi wansati la tikeke loko a ri eku velekeni, a solovanya, a ba huwa eku vavisekeni ka yena, na hina a hi rhurhumerisa sweswo emahlweni ka wena, oho Yehovha!

Pisalema 48:6

Ku rhurhumela ku ti khomile, Kukotisa ku vaviseka loku khomaka wansati loko a veleka.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Yeremiya 48:41

Keriyoto u khomiwile, ni makhokholo ma ngheniwile. Esikwini leri, timbilu ta tinhenha ta Mowabu ti ta kotisa mbilu ya wansati la velekaka.

Esaya 16:11

Hikwalaho marhumbu ya mina ma pfuma ehenhla ka Mowabu, tanihi xitendze, ni mbilu yanga yi endlisa sweswo ehenhla ka Kiri-Herexe.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Yeremiya 50:43

Hosi ya Babilona yi yingisa mhaka ya vona, kutani mavoko ya yona ma hela matimba; khombo ri yi khomile, ni ku vava loku fanaka ni ka wansati loko a veleka.

Yeremiya 49:22

Vonani, wa tlhandluka kukota gama, u haha, u andlala timpapa ta yena hitlhelo ra Bosira, kutani hi siku lero timbilu ta tinhenha ta Edomu ti ta kota mbilu ya wansati la velekaka.”

Esaya 16:9

Ndza rilela hi swirilo swa Yazere tivhinya ta Sibima; ndzi ku tsakamisa hi mihloti ya mina, wena Hexiboni, na wena Eleyale; hikuva huwa ya mukhuvuti yi wele ehenhla ka mihandzu ni tinhulu ta wena.

Esaya 15:5

Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

Duteronoma 28:67

Ni mixo u ta ku: ‘I ngi loko ma ri madyambu.’ Nimadyambu u ta ku: ‘I ngi loko ku ri nimixo!’ U ta vula sweswo hikwalaho ka nchavo wa mbilu ya wena ni ka swilo leswi u nga ta swi vona hi mahlo ya wena.

Yohane 16:21

Loko wansati a veleka, u twa ku vaviseka, hikuva nkarhi wa yena wu fikile; kambe loko a velekile n'wana, a nga ha anakanyi ku xaniseka ka yena, hi ku tsaka ka yena, hikuva ku velekiwile munhu emisaveni.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 6:24

Hi twile mpfumawulo wa rona, kutani mavoko ya hina ma herile matimba; khombo ri hi khomile, hi vaviseka kukotisa la velekaka.